موصول-دا ترور: 1 نفر اولدو، 30 نفر یارالاندی

عراق-دا داعش تروریستلرین موصول-ون شرقین‌دکی گؤکچه‌لی محله‌سینده تشکیل ائتدیگی جانلی بومبا سالدیریسیندا بیر سیویل اولدو، آرا‌لاریندا عسگرلرین ده اولدوغو 30 نفر ده یارالاندی.

عراق اردوسونون ژنرالی عزیز خالید تخمینن ایکی آی اول داعش-دن قورتاریلان گؤکچه‌لی محله‌سینده کی گوونلیک مرکزی و خالق بازارینا یاخین اراضیده جانلی بومبانین اؤزونو پارتلاتدیغینی سؤیله‌دی.

خالید داعش-ه عاید 3 بومبا‌لی ماشینلا تؤره‌دیلن ترور حادثه سینده بیر سیویلین اولدوگونو، 9 عسگر اولماقلا، 30 نفرین ده یارالاندیغینی بیلدیردی.

تؤره‌دیلن ترور حادثه سی موصول-ون شرقی حیسه‌سینده آزاد ائدیلمیش اراضی‌لرده گوونلیک قوه‌لرینه قارشی ایلک سالدیری کیمی سجیلندیریلیر.

عراق اردوسونا باغلی گوونلیک قوه‌لری شهرین شرق قیریشینده یئرلشن گؤکچه‌لی محله‌سینی موصول عملیاتی‌نین باشلادیغی 17 اوکتوبردان ایکی هفته سونرا نوامبرین 1-ده داعش-دن گئری آلمیشدی.