حلبدن اوچونجو کونووی دا تخلیه ائدیلدی
سوریهده رژیم قوهلری و ایران-ین امرینده کی شیعه میلیسلرین محاصرهسینده کی شرقی حلبدن تخلیه ائدیلن اوچونجو کونووی یولا دوشدو.
سوریهده رژیم قوهلری و ایران-ین امرینده کی شیعه میلیسلرین محاصرهسینده کی شرقی حلبدن تخلیه ائدیلن اوچونجو کونووی یولا دوشدو.
خاریجی ایشلر ناظیری مولود چاووش اوغلو بو بارهده اؤزونون تویتر صحیفهسینده یازیب کی، 16 اتوبوس و 8 مینی بوش دان عبارت اوچونجو کونووی دا شرقی حلب-دن حرکت ائتدی.
جهدلریمیز و تعقیب ائتمه فعالیتلریمیز آرامسیز داوام ائدیر.
چاووش اوغلو حلب شهرینین شرقیندن حرکت ائدن ایکینجی کونوویداکی مین 198 سیویل غرب اراضیلرینده، موخالیف لرین نظارتینده کی بؤلگهیه چاتدیغینی دئدی.
16 اتوبوس، سوریهنین قیزیل آی جمعیتینه مخصوص 5 ماشین و 11 مینی بوس و اتوبوسدان عبارت ایکینجی تخلیه کونوویو شرقی حلبدن یولا دوشهرک، راموسه سمت ینده رژیمین نظارت منطقهسیندن کئچدی.
داها سونرا راشیدین بؤلگهسی ایستیقامتینده ایرهلیلهین کونووی موخالیفلرین نظارتیندکی غربی حلب بؤلگهسینه چاتدی.
577 -سی کیشی، 320-سی قادین و 301-ی اوشاق اولماقلا مین 198 سیویلی داشییان ایکینجی تخلیه کروانی تورکیه سرحدینده یئرلشن و موخالیفلرین نظارتینده کی ادلیب شهرینه یول آلیر.
کروانداکی قروپدا 12 یارالینین اولدوغو بیلدیریلدی.
تخلیه ائدیلن ایلک کونووی ایله یاناشی جمعی 2 مین 284 حلبلی گوونلی شکیلده محاصره بؤلگهسیندن چیخاریلدی.
قئید ائدک کی، ایلک کونوویون محاصره آلتینداکی بؤلگهدن چیخماسینا مانع اولماق ایستهین ایرانلی ژنرال سید جاواد-ین نظارتیندکی میلیس قوهلر سیویل لره و موخالیف لرین نظارتیندکی بؤلگهلره هوجوم ائدهرک پروسئسی دفعهلرله تخریب ائتمهیه جهد گؤسترمیشدی.
آتشکس و تخلیه پروسئسی تورکیه و روسیا آراسیندا کئچیریلن دانیقیشلار نتیجهسینده باشلادیلیب.
بو آرادا حلب-ین شرقینده یارادیلان گوونلی بؤلگهدن چیخاریلان و ادلیبه آپاریلان یارالیلاردان وضعیتی آغیر اولانلار تورکیهیه گتیریلدی.
جیلوه گؤزو سرحد منطقهسینده کی تامپون بؤلگهیه گتیریلن یارالیلار اوردا حاضر گؤزلهدیلن آمبولانسلارلا حاتای شهریندکی موختلیف خسته خانالارا یئرلشدیریلدی.