محمود عباس، ایسراییل هیاتی ایله گؤروشدو
محمود عباس، ییغینجاق قونوسونداکی اولوسلارآراسی دستگین و ایسراییل توپلوموندا باریشی دستکلهینلرین اؤنمینه دقت چکدی
فلسطین دؤولت باشقانی محمود عباس، رام اللهدا ایسراییل هیاتینی قبول ائتدی.
فلسطین رسمی خبر آژانسی وافانین خبرینه گؤره، عباس، باشقانلیق ایقامتگاهیندا ایسراییل اسکی باخانلاری ایله ایسراییل پارلمانی کنست عضولرینی قبول ائتدی.
عباس گؤروشمهده، سون گلیشمهلر و فرانسانین تشکیل ائتدیگی پاریسدکی اولوسلارآراسی توپلانتی حاقیندا گؤستریلن چابالار بارهده بیلگی پایلاشدی.
محمود عباس، ییغینجاق قونوسونداکی اولوسلارآراسی دستگین و ایسراییل توپلوموندا باریشی دستکلهینلرین اؤنمینه دقت چکدی.
عباس، ایسراییل حکومتینین یهودی یئرلشیم یئرلری ایله علاقهلی سیاستی نتیجهسینده تهلوکهیه دوشن "ایکی دؤولتلی چؤزوم" ایلکهسینه دایانان باریشین دستکلنمهسینین گوجلندیریلمهسی اوچون ایسراییل توپلومونون مختلیف طبقهلری ایله ارتباطین داوام ائتدیریلمهسینین واجیبلیگینه وورغو ائتدی.
ایسراییل هیاتی ده باریشی دستکلمک و "ایکی دؤولتلی چؤزوم" ایلکهسینه دایانان باریش اومودونون تکرار جانلاندیریلماسی اوچون چابا صرف ائتمهنین اؤنمینه ایشاره ائتدی.