ایران آدینا جاسوسلوق اتهامینا اعدام جزاسی
محاکیمه اولونان 32 نفردن 15ی اعدام جزاسینا محکوم ائدیلدی
عربستاندا ایران آدینا جاسوسلوق ائتدیکلری اتهامی ایله محاکیمه اولونان 32 نفردن 15ی اعدام جزاسینا محکوم ائدیلدی.
سانیقلاردان 15ی، 6 ایله 25 ایل حبس جزاسی آلارکن، 2سی ایسه برائت ائتدی.
32 نفردن 30ونون عربستان، 1نین ایران، 1نین ده افغانیستان وطنداشی اولدوغو ایفاده ائدیلدی.
بو شخصلرین هامیسی اؤلکهدکی شیعه آزلیغا منسوب.
سانیقلار جاسوسلوق سوچلاماسینین یانیندا ایرانین دستیی ایله گیزلی حجرهلر میدانا گتیرمه و تهرانا حربی استخبارات کؤچورمه ایله ده سوچلاندی.
ادعانامهده، شبههلیلرین بو جور حرکتله 'میلی گوونلیگی تهلوکهیه آتدیغی' ایفاده ائدیلدی.
سانیقلاردان بیر قیسمینین ایرانین دینی لیدئری علی خامنهای ایله گؤروشدوگو ده ادعا ائدیلدی.
عربستان اهالیسینین یوزده 10 ایله 15ینین شیعهلردن میدانا گلدیگی سانیلیر.
قرارا قارشی چیخانلار، اوچ ایلدیر داوام ائدن دعوینین سیاسی سببلره دایاندیغینی، نفت زنگینی اولان اؤلکهده یاشانان اقتصادی چتینلیکلر و یمندکی ساواش اوزریندکی دقتی یاییندیرماق مقصدلی اولدوغونو ادعا ائدیر.
ایکی اؤلکه آراسینداکی علاقهلر ریاض رهبرلیگینین، اؤلکهنین اؤنده گلن شیعه دین آداملاریندان شیخ نمر و اوچ شیعهنین، ژانویه آییندا اعدام ائدیلمهسیله قوپموشدو.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.