ایسراییل پرزیدنتی قارشی اولدوغونو بیلدیردی
فلسطینلیلرین و ایسلام عالمینین بؤیوک تپکیسینی چئکن لایحه، داها اول ده بیر چوخ دفعه گوندمه گلمیش آنجاق، مجلیسده سس وئرمهیه سونولمامیشدی
پرزیدنت رجب طیب اردوغانین اویاریسی قارشیلیق گؤردو.
ایسراییل پرزیدنتی رووین ریولین، اؤلکهسینده اذان اوخونماسینا بعضی محدودیتلر گتیرن قانون تاساریسینا قارشی اولدوغونو ایفاده ائتدی.
ایسراییل رادیوسونون خبرینه گؤره، باتی قدسداکی افیسینده مسلمان دین آداملاری ایله بیر آرایا گلن ریولین، اذانین سسی یوکسلدن جهازلارلا اوخونماسینی قاداغان ائدن قانون تاساریسینانا قارشی اولدوغونو و بونا احتیاج اولمادیغینی ایفاده ائتدی.
ریولینین بو قانون لایحهسینین سونولماماسی اوچون ایلگیلیلرله گؤروشمه وعد ائتدیگی و "ایسرایل عبادت آزادلیغینا حؤرمت گؤسترن بیر دؤولتدیر و اؤلکهدکی بوتون آزلیقلار اوچون دین آزادلیغی قانونونا باغلیدیر" دئدیگی اؤیرنیلدی.
ایسراییل باشباخانی بینیامین نتانیاهو ایسه "سس-کویه سبب اولاراق اینسانلاری راحاتسیز ائتدیگی" ادعاسییلا اذانین قاداغان ائدیلمهسینی اؤن گؤرن قانونو دستکلدیگینی بیلدیرمیشدی.
فلسطینلیلرین و ایسلام عالمینین بؤیوک تپکیسینی چئکن لایحه، داها اول ده بیر چوخ دفعه گوندمه گلمیش آنجاق، مجلیسده سس وئرمهیه سونولمامیشدی.