پ.ک.ک سینجاردا اوشاق قاچیرما، ائو ییخما و آدام اؤلدورور
ژنرال بوسئلی، ترور تشکیلاتی پ.ک.ک-نین سینجاردا اوشاق قاچیرما، ائو ییخما و آدام اؤلدورمه کیمی حرکتلرینین قبول ائدیله بیلمز بیر نقطهیه گلدیگینی ایفاده ائتدی
عراقدا پئشمرگه گوجلری سینجار(شنگال) جبههسی قوموتانلاریندان ژنرال سیم بوسئلی، ترور تشکیلاتی پ.ک.ک-نین موصولا باغلی سینجار منطقهسینه، ایکینجی شام ائتمه خیالینا ایجازه وئرمهیهجکلرینی ایفاده ائتدی.
آنادولو آژانسینا دانیشان ژنرال بوسئلی، ترور تشکیلاتی پ.ک.ک-نین سینجاردا اوشاق قاچیرما، ائو ییخما و آدام اؤلدورمه کیمی حرکتلرینین قبول ائدیله بیلمز بیر نقطهیه گلدیگینی ایفاده ائتدی.
هر هانسی بیر چاتیشما یاشانمادان و قان تؤکولمهدن پ.ک.ک-نین شنگالی ترک ائتمهسینی ایستدیکلرینی دیله گتیرن بوسئلی؛
"پ.ک.ک، قان تؤکولمهسینه یول آچمادان بؤلگهنی همن ترک ائتمهلیدیر. شنگال خالقینی ناراحات ائدن ائولرین یاندیریلماسی، اوشاقلارین قاچیریلماسی و کیشیلرین اؤلدورولمهسی حادثهلرینین فاعلی پ.ک.ک-نین. پ.ک.ک، شنگالی ایکینجی شام ائده بیلمک اوچون هر جور وحشیلیگی تطبیق ائدیر. لاکین پ.ک.ک-نین بو خام خیالینین شنگال و اطرافیندا رئاللاشماسینا ایجازه وئرمیهجگیک. شنگال خالقی، گلهجگی ایله باغلی قرارینی اؤز وئرهجک. بونو تامین ائدجگیک. پ.ک.ک-نین دا بو شهرده قالماسینا هئچ بیر شکیلده ایجازه ائتمیهجگیک. " دئدی.
بوسئلی، پ.ک.ک-نین شیعه حشدی شعبی میلیتانلاریلا قول-قولا حرکت ائدهرک سینجاری ایستیقرارسیزلاشدیرماق اوچون هر جور یولا مراجعت ائتدیگینی، بو ایکی تشکیلاتین قادین و اوشاقلاری قاچیراراق سیلاح آلتینا آلدیغینی وورغولادی.
سوریه مرزینده موصول و تلعفرین غربینده یئر آلان سینجار مرکزینین پئشمرگه کونترولوندا اولدوغونو آنجاق اطرافداکی 13 کندین هله داعشین الینده اولدوغونو سؤلهین پئشمرگه قوموتانی، کوالیسیون گوجلرینین دستگی ایله بو کندلری ده قورتاراجاقلارینی دیله گتیردی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.