موصول عملیاتلندا 100-دن چوخ داعش تروریست اؤلدورولدو

عیراق-دا موصولو ترور تشکیلاتی داعش-دن قورتارماق عملیاتی چرچیوه‌سینده تشکیل اولونان هاوا سالدیریلاریندا 100-دن چوخ داعش تروریست اؤلدو.

عیراق ساوونما ناظیرلیگینه تابع اولان محاربه مئدیا شبکه‌سی طرفیندن وئریلن معلوماتدا موصول شهرینده‌کی داعش-ه  عایید 5 مؤوقع‌ین اف16 دؤیوش اوچاقلاری ایله بومبالاندیغی بیلدیریلدی.

معلوماتا گؤره، اوبروی هتل‌ینه تشکیل اولونان هاوا سالدیریسیندا 67 تروریست، مئشه بؤلگه‌سی‌نین هدف آلیندیغی هوجوم‌لاردا 29  تررویست اؤلدورولدو، 25 تروریست یارالاندی.

سلاح-مهمات انباری‌نین و حربی مرکزین هدف آلیندیغی ایکی هوجومدا‌دا 20 تروریست محو ائدیلدی، 15 تروریست  یارالاندی.

عیراق اوردوسونون ظابطی جبار حسن موصول-دا حربی ایرلیلییش‌لر زامانی ترور تشکیلاتی داعش-ین یوزلرله سیویلی جانلی قالخان اولا‌راق ایستیفاده ائتمک اوچون ساخلادیغی باره‌ده معلومات الده ائتدیک‌لرینی سؤیله‌دی. حسن بو وضعیتین سرعتله ایره‌لیلمه‌یه ایمکان وئرمه‌دیگینی دئدی.

عیراق باش ناظیری حیدر ال عباری دونن پایتاخت باغداددا کئچیردیگی مطبوعات کونفرانسیندا ترور تشکیلاتی داعش-ین موصول-دا وطنداش‌لاری قالخان اولا‌راق ایستیفاده ائتدیگینی بیل‌دیره‌رک، عملیاتی آز زیانلا باشا وورماق ایستدیک‌لرینی سؤیله‌میشدی.

شیعه میلیس گوجو هاشدی شابی‌نین قوماندانلاریندان‌ بیری اولان ابو مهدی الموهندیس موصول-ون غرب جبهه‌سینده چتین کئچیله‌بیلن اراضی‌لر اولدوغونو و داعش-ین بؤیوک ایتکی‌لردن سونرا بو بؤلگه‌لرده مقاومت گؤستردیگینی قئید ائتدی.

موهندیس تعلفرین تامامیله آزاد ائدیلمه‌سی اوچون موصول ایله آراسین‌داکی غرب خطی‌نین کسیلمه‌سینی هدف سئچدیک‌لرینی بیلدیردی.

قئید ائدک کی، موصولون ترور تشکیلاتی داعش-دن تمیزلنمه‌سی اوچون عیراق اوردو بیرلیک‌لری، پئشمرگه قوه‌لری و بعشیقه دوشرگه‌سینده تورکیه عسگرلرین‌دن تعلیم آلان نینوا مجاهیدلری اوکتوبرین 17-ده عملیاتا باشلاییب‌لار.