عدن کؤرفزی قیزیشیر
ایران، عدن کؤرفزینین یمن ساحللرینه، حربی فیلو گؤندردی
ایران، عدن کؤرفزینین یمن ساحللرینه، لجستیک دستک گمیسی و دستوریردن(ناوشکن) اولوشان حربی فیلو(ناوگان) گؤندردی.
ایرانین یاری رسمی خبر آژانسی تسنیمه گؤره، دنیز گوجلرینین لجستیک دستک گمیسی، بؤلگهیه 5 اکتبردا گؤندریلدی.
خبرده، گمیلرین، ایرانا عاید تیجاری گمیلرین دنیز یولو گوونلیگینی تامین ائدجیی ایفاده ائدیلدی.
هیند اقیانوسونو قیزیل دنیزه باغلایان استراتژیک بیر مؤوقعیتده اولان عدن کؤرفزی، عربیستان لیدئرلیگیندکی کوالیسیون گوجلرینین یمنه قارشی حربی سالدیریلاری باخیمیندان حساس قونومدادیر.
بؤلگهده، 12 اکتبردا، آمریکایا عاید ساواش گمیلرینه موشکلی هوجوم تشکیل ائدیلمیش، پنتاگون، یمنده کنترلو الینده توتان حوثی مؤوضعلریندن ائدیلن سالدیریلارا قارشیلیق، قیزیل دنیز ساحیلینده حوثیلره عاید 3 رادار مؤوضعینین وورولدوغونو بیلدیرمیشدی.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو