عراق، ایرانا اولان بورجونو اؤدمه‌دی
"اورتاق گاز بورو خطی آنلاشماسینا باغ‌لی اؤدمه اولماما‌سی حالیندا ایران، بو اؤلکه‌یه گاز صادر ائتمه‌یه‌جک"
عراقین ایرانا اولان بورجونو اؤدمه‌دیگی اورتایا چیخدی.
ایران نفت باخانی‌نین معاوینی و میلی گاز شیرکتی باش مودورو حمید رضا عراقی، عراق حؤکومتی ایله ایمضالادیغی اورتاق گاز بورو خطی‌نین اینشاسی اوچون لازیم اولان اؤدمه‌یی اؤده‌مه‌دیگینی، بونا گؤره بو اؤلکه‌یه گاز صادراتینی دوردورابیله‌جگینی سؤیله‌دی.
ایرانین یاری رسمی آژانسی مهرین خبرینه گؤره باش مودور عراقی،
"اورتاق گاز بورو خطی آنلاشماسینا باغ‌لی اؤدمه اولماما‌سی حالیندا ایران، بو اؤلکه‌یه گاز صادر ائتمه‌یه‌جک" دئدی.
بغداد حؤکومتی‌نین اقتصادی پروبلئم‌لری‌نین گاز صادراتینا مانع اولدوغونو ایفاده ائدن عراقی،
"عراق، آیلاردیر اؤدنیش‌لری تخیره سالیر. پروژه‌نین یوکله‌نیجی فیرماسی‌نین اؤزل سئکتور اولماسی سببیله اؤدنیش‌لرین شکلی بلیرلنمه‌دن گاز صادر ائده‌بیلمریک" دئدی.
ایران میلی گاز شیرکتی و عراق انرژی باخانلیغی آراسیندا 2013.جی ایلده بغداد بؤلگه‌سینه گاز صادراتی اوچون آنلاشما ایمضالانمیشدی.
آنلاشمایا گؤره، ایران، پروژه‌نین تاماملانماسین‌دان سونرا بغدادا ایللیک 10 میلیارد مکعب متر گاز صادر ائده‌جکدی.
آنلاشمانین ایمضالانماسین‌دان سونراکی پروسه‌لرده، بغداد رهبرلیگی‌نین پروژه اوچون لازیم اولان اؤدمه‌یی اؤده‌ممه‌سی پروژه‌نین حیاتا گئچیریلمه‌سینه گئجیکدیردی.
ایلگیلی‌لی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو
