عراق حکومتی پکاکایا آیلیق وئریر
معاش بودجهسی، پوللو عسگرلردن یارادیلان شیعه حشدشعبی منسوبلارینا آیریلان پایدان تامین ائدیلدی
تورک عسگرینین بعشیقهدهکی وارلیغیندان راحاتسیز اولان عراق مرکزی حؤکومتینین پلیس، وطنداش، عسگر دئمهدن اون مینلرجه انسانی قتل ائدن بؤلوجو ترور هؤرگوتو پکاکانین 130 منسوبونا هر آی آیلیق وئردیگی اورتایا چیخدی.
بعشیقهده پئشمرگهنی ائییتن تورک عسگرینین وارلیغیندان راحاتسیز اولان عراق مرکزی حؤکومتی، تورکیهدن عسگرلرینی عراقدان چکمهسینی ایستهدی.
پکاکایا قوجاق آچان عراق حؤکومتینین بو تروریستلردن ندن راحاتسیز اولمادیغی ایسه اینگیلترهنین باشکندی لندنده عرب دیلینده نشر اولونان گوندهلیک القدس العربی گوندهلیگینین خبریله اورتایا چیخدی.
گوندهلیک، 10 اکتبر ساییسیندا عراقدا تورک عسگری ایستهمیریک توفانی قوپاران عراق مرکزی حؤکومتینین، ایکی ایلدن بری موصول شنگالداکی 130 پکاکالییا هر آی آیلیق اؤدهدیگینی یازدی.
عراق ساوونما باخانلیغینا دایاندیریلان خبره گؤره، آگوست 2014.جو ایلده یزیدیلری داعشدن قورتارماق اوچون سینجار داغینا یئرلشن 130 پکاکالی حؤکومتله آنلاشدی.
معاش بودجهسی، پوللو عسگرلردن یارادیلان شیعه حشدشعبی منسوبلارینا آیریلان پایدان تامین ائدیلدی.
قارشیلیغیندا پکاکا، سینجار باشدا اولماق اوزره بؤلگهیه باشقا بیر هؤرگوتو سالمادی.
مسعود بارزانینین بئله بؤلگهده ائتکیلی اولماسینی یئنه پکاکا انگلدی.
بؤلگهدکی کیمی قایناقلارا گؤره، موصول عملیاتینا سینجارداکی پکاکالیلارین دا قاتیلماسی پلانلاشدیریلیر.
مینلرجه یزیدینین یاشادیغی سینجار، 10 نوامبر 2015.جی ایلده بارزانیه باغلی پئشمرگهلر طرفیندن داعشدن تمیزلندی.
آنجاق پکاکالیلار ائتدیکلری آنلاشمایلا بؤلگهیه یئرلشیب بیر داها دا چیخمادی.
بئله کی پکاکالیلار ایله پشمرگهلر آراسیندا زامان زامان چاتیشمالار یاشاندی.
سینجارا دوشرگه قوران پکاکالیلارا ان بؤیوک تپکی بؤلگهدکی یزیدیلردن گلیر.
29 سپتامبردا شنگالدا توپلانان یزیدی قنات اؤندرلری، پکاکانی بؤلگهده ایستمهدیکلرینی دیله گتیریب اؤزلرینه باسقی قوردوقلارینی و دیکتاتورلوق ائتدیکلرینی آچیقلادیلار.
یزیدی نمایندهلری و شنگال قائم مقامی محمد خلیل، شنگالین ایکینجی بیر قندیل اولماسینی ایستمهدیکلرینی و بونا فورصت وئرمهیهجکلرینی سؤیلهدی.