فرانسا عراق‌دا داعش هدف‌لرینی ووردو

فرانسا عراقین موصل شهرین‌دکی ترور تشکیلاتی داعش هدف‌لرینه، قیبریس آداسی ساحل‌لرینده یئرلشن شارل دوگل اوچاق گمی‌سیندن قالخان رافائل ساواش اوچاقلاری ایله هوجوم ائتدی.

فرانسا مطبوعاتیندا یئر توتان معلومات‌لاردا هاوا هوجوم‌لاری‌نین سحر ساعات لاریندا 8 رافائل اوچاقی طرفیندن ائدیلدیگی بیلدیریلدی.

24 رافائل اوچاقی داشییان شارل دوگل گمی‌سی آیین اولینده بؤلگه‌یه گؤندریلمیشدی.

فرانسا 2015-جی ایلین ژانویه آییندا پاریسده 12 نفرین هلاک اولدوغو شارلی ابدو ترور حادثه‌سیندن سونرا عراق و  سوریه‌د‌کی داعش هدف‌لرینه ایستیقامت‌لی کوالیسیون عملیات‌لاریندا ایشتیراک ائتمیشدی.

کوالیسیون قوه‌لری‌نین موصل‌دان داعش-ی چیخارماق مقصدی ایله یاخین گون‌لرده قورودان عملیات اوچون حاضیرلیق‌لار گؤردوگو آچیقلانمیشدی.