فلسطین عرب اؤلکه‌لرینه خبردارلیق ائتدی
ایسرایلین باش ناظری بنیامین نتانیاهونون "عرب اؤلکه‌لریله نورماللاشما" مسئله‌سینه دایر چیخیشیندان سونرا فلسطین‌‌نین خاریجی ایشلر ناظرلیگی عرب اؤلکه‌لرینه خبردار ائتدی.
ایسرایلین باش ناظری بنیامین نتانیاهونون "عرب اؤلکه‌لریله نورماللاشما" مسئله‌سینه دایر چیخیشیندان سونرا فلسطین‌‌نین خاریجی ایشلر ناظرلیگی عرب اؤلکه‌لرینه خبردار ائتدی.
ناظرلیک‌دن وئریلن معلوماتا گؤره عرب اؤلکه‌لری نتانیاهو حکومتی و طرفدارلاری‌نین ایشغا‌لی اوزاتماسی، فلسطین تورپاق‌لاریندا یهودی‌لشدیرمه پروسئسی، فلسطین دؤولتی‌نین محوینه چالیشیلماسینا دایر خبردار ائدیلیر. عرب اؤلکه‌لری ایسرایل باش ناظری‌نین تکلیفی مؤوضوسوندا دقتلی اولماغا چاغیریلیر.
بنیامین نتانیاهونون تکلیفی‌نین بیر چوخ یئره مئساژ وئردیگی وورغولانان خبردارلیقدا، ایسرایلین دیپلوماتیک اوغورلار الده ائتدیگی و حکومتین اولوسلار آراسی گوجلردن دستک آلدیغی بیلیدیریلیر. قئید اولونور کی، نتانیاهو بین‌الخلق صلح‌ه دایر سعی‌لرین قارشی‌سینی آلماق اوچون بولگه‌ده کی اویونچولاری واسیطه‌سیله گؤزدن پرده آسماغا چالیشیر. بونونلا دا اصلینده ایسرایل باش ناظری عرب اؤلکلریله صلح تشببوسو چرچیوه‌سین‌دن چیخدیغینی گؤستریر. وورغولانیر کی، ایسرایل عرب اؤلکلریله وار اولدوغونو ادعا ائتدیگی علاقه‌لری گوجلن‌دیره‌رک اورتا شرقده یئنی ناراحات‌لیق یاراتماغا چالیشیر.
خاطیرلاداق کی، ایسرایلین باش ناظری قدس‌ده کی میلی تهلوکه‌سیزلیک آکادمیاسیندا معذونیت مراسیمین‌دکی چیخیشیندا عرب دونیاسی ایله قورولا‌جاق علاقه‌لرین فلسطین‌لی‌لرله موناسیبت‌لرینده ده صلح ون برپاسینا تأثیر ائده جگینی بیلدیرمیشدی. نتانیاهونون بو چیخیشی ایسه عرب اؤلکه‌لری‌نین 2002- جی ایلده ایمضالادیغی و ایسرایل ایله علاقه‌لری نورمال‌لاش‌دیرماق‌دان اول 1967- جی ایل سرحدلری اوزرینده فلسطین دؤولتی‌نین قورولماسینی نظرده توتان صلح جهدینه ترس گلیر.
