ولادیمیر پوتین 8 ایل آرا‌دان سونرا ایرانا سفر ائتدی
ولادیمیر پوتین، ایلک اولا‌راق ایرانین دینی لیدر آیت اهلی علی خامنه ای ایله گؤروشدو
روسیا دولت باشقانی ولادیمیر پوتین 8 ایل آرا‌دان سونرا ایرانا سفر ائتدی.
گاز صادرائدن اؤلکه‌لر (GECF) ذیروه‌سینه قاتیلماق اوچئن تهرانا گئدن پوتین‌ین گوندمینده سوریه‌‌دکی وضعیت و ترور تشکیلاتی داعش ایله موباریزه ده وار.
ولادیمیر پوتین، ایلک اولا‌راق ایرانین دینی لیدر آیت اهله علی خامنه ای ایله گؤروشدو.
روسیا دولت باشقانی، پرزیدنت حسن روحانی ایله ده بیر گؤروشمه رئال‌لاشدیرا‌جاق.
پوتین-روحانی گؤروشمه‌سینده، غرب اؤلکه‌لری ایله تهران رهبرلیگی آراسیندا الده اولونان نوکلئر راضیلاشما ایله ایرانا تطبیق اولونان تحریم‌لرین یانیندا، ایکیطرف‌لی اقتصادی و نیظامی امکداش‌لیق اله آلینا‌جاق.
ایکی اؤلکه آراسیندا ساغلیق‌دان سیاحت آسان‌لیغینا قدر بیر سیرا راضیلاشما ایمضالانماسی گؤزلنیلیر.
بو ارادا، ولادیمیر پوتین تهرانا حرکتین‌دن اوّل ایران‌داکی آراک راکتؤرونون یئنی‌دن قورولماسی اوچون تئکنولوژی نقلیاتینا ایجازه وئرن فرمان ایمضالادی.
بئله‌جه موسکوانین تهرانا اوران غنی‌لشدیرمه ایشلرینده ایستیفاده اوچون وسایل و تجهیزات سؤوق ائتمه‌سی‌نین اؤنون‌دکی مانع قالخمیش اولدو.
ایرانین موسکوا سفیری ده بیر خبر آژانسینا ائتدیگی آچیقلامادا، روسیانین، اس-300 راکت‌لری‌نین داشینماسی اوچون ایشلری باشلاددیغینی سؤیله‌دی.
