ایران‌دان سلمان رشدی آچیقلاماسی
ایران، رشدی حاقیندا، 1989.جو ایلده یایینلانان شیطان آیه‌لری آدلی رومانی سببیله اؤلوم فتواسی وئرمیشدی
ایران مدنیت باخانلیغی، آلمانیانین فرانکفورت شهرینده تشکیل ائدیلن 67.جی اولوسلارآراسی کیتاب سرگیسینه بو ایل قاتیلمایاجاغینی بیلدیردی.
ایرانین سببی ایسه، سرگییه، هیند اصل‌لی اینگیلیس یازار سلمان رشدی‌نین دانیشماچی اولا‌راق دعوت ائدیلمه‌سی.
باخانلیق طرفین‌دن وئریلن آچیقلامادا؛
"بو سرگییه، سلمان رشدی کیمی بیر ایسلام دوشمنی‌نین دعوت ائدیلمه‌سی قبول ائدیله‌بیلمز. ایسلامی دگر و اینانج‌لاری یوخ سایان بئله بیر انسانین دعوت ائدیلمه‌سی؛ ایسلام عالمینه تحقیر سایلمیشدیر" دئییلدی.
مدنیت باخانلیغی، فرانکفورت کیتاب سرگی‌سی‌نین بوتون دونیا و میلت‌لری قوجاقلایاجی بیر یول ایزلمه‌سی لازیم اولدوغونو ایفاده ائده‌رک، ایسلام اؤلکه‌لرین‌دن، بو جور قاریشدیریجی گیریشیملره قارشی مؤوضع آلمالارینی دا ایسته‌دی.
ایران، رشدی حاقیندا، 1989.جو ایلده یایینلانان شیطان آیه‌لری آدلی رومانی سببیله اؤلوم فتواسی وئرمیشدی.
تهران، 1998.جی ایلده، اینگیلتره ایله ایلیشکی‌لرینی دوزلتمه‌یه بیر آددیم اولا‌راق بو قراردان وازگئچمیشسه ده، دینی لیدئر علی خامنه‌ای، 2005.جی ایلده، بو جور بیر فتوانی یالنیز وئرن شخصین قالدیرابیله‌جگینی سؤیلمیشدی.
سلمان رشدی حاقیندا اؤلوم فتواسی وئرن خمینی ایسه 1989.جو ایلده اؤلدو.
