بان کی مون، ایران و بؤلگه اؤلکهلرینی اویاردی
بان کی مون، ایران خاریجی ایشلر باخانی کؤمکچیسی ایله گؤروشمهسینده عراقین مذهب ساواشینا صحنه اولماسینی ایستمهدیگینی بیلدیردی
بیرلشمیش میلتلر تشکیلاتینین باش کاتیبی بان کی مون، ایران و بؤلگهدکی باشقا اؤلکهلری عراقدا مذهب ساواشینا قارشی اویاردی.
کویته گئدن بان کی مون، ایران خاریجی ایشلر باخانی کؤمکچیسی حسین امیر عبدالهیان ایله گؤروشمهسینده عراقین مذهب ساواشینا صحنه اولماسینی ایستمهدیگینی بیلدیردی.
بان کی مون، ایران و بؤلگهدکی باشقا اؤلکهلرین، عراقین مذهب ساواشی یاشانان بیر بؤلگه حالینا گلمهسینی اؤنلمه مسئولیتی اولدوغونو ایفاده ائتدی.
ایراندان، اولوسال تفاهم اوچون عراق حکومتینی دستکلمهسینی ده ایستهین بان، سوریهده ده چاتیشمالارین سونا چاتماسی اوچون دیالوگ و گئچیش حکومتی مسئلهلرینین جسارتلندیریلمهسی لازیم اولدوغونو سؤیلهدی.
اؤته یاندان، بیرلشمیش میلتلر تشکیلاتینین عراق تمثیلچیلیگی، اؤلکهدکی چاتیشمالاردا و ترور ائیلملرینده، ماس آییندا 997 نفرین اؤلدوگو 2 مین 172 نفرین یارالاندیغینی آچیقلادی.
اؤلنلر 729 نفری، یارالانانلارین دا مین 785 نفری سیویل وطنداش .
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.