ناتو-نون افغانیستاندا 13 ایل داوام ائدن میسیونو سونا چاتدی
13 ایل اوّل 57 اؤلکهنین ایشتیراکی ایله باشلایان ایساف (اولویلار آراسی گوونلیک دستک گوجو) میسیونو، یئنی ایلله بیرلیکده "قرارلی دستک" میسیونونا چئوریلهجک
ناتو-نون افغانیستاندا 13 ایل داوام ائدن میسیونو سونا چاتدی.
آمریکا بیرلشمیش دولتلری لیدرلیگیندکی ناتو گوجلرینین افغانیستانداکی میسیونو باشکند کابلده تشکیل ائدیلن مراسیمله دونن رسمی اولاراق سونا چاتدی.
13 ایل اوّل 57 اؤلکهنین ایشتیراکی ایله باشلایان ایساف (اولویلار آراسی گوونلیک دستک گوجو) میسیونو، یئنی ایلله بیرلیکده "قرارلی دستک" میسیونونا چئوریلهجک.
بو چرچیوهده، 11 مینی آمریکالی، 13 مین 500 خاریجی عسگر، افغان گوجلرینه تحصیل، مصلحت و یاردیم خیدمتی وئرمک اوچون اؤلکهده قالاجاق.
بوندان سونرا اؤلکهنین گوونلیگیندن افغان گوونلیک گوجلری مسئول اولاجاق و آمریکان عسگرلری یالنیز هاوا دستگی وئرهجک.
آمریکان عسگرلری، خصوصی حاللاردا ترورلا مباریزه عملیاتلارینا دا قاتیلاجاق.
ناتو مسئوللاری ترسینی ادعا ائتسه ده، افغان متخصصلر میسسیونون باشاریلی اولمادیغینی ایفاده ائدیر.
ایل باشیندان 2014-جی ایلین نوامبر آیینا قدر اؤلن مولکی سایی 3 مین 200-ا یاخینلاشدی.
افغان گوونلیک گوجلری ده عینی دؤورده 4 مین 600 ایتکین وئردی.
ناتو-نون افغانیستان میسیونونون باشلادیغی 2001-جی ایلدن بری ایسه 3 مین 500 خاریجی عسگر حیاتینی ایتیردی.
متخصصلر، باشکند کابلین بئله یاشاماق اوچون گوونلی بیر یئر اولمادیغینا و ناتو گوجلرینین چکیلمهیه باشلاماسییلا طالبان سالدیریلاریندا جدی آرتیم اولدوغونا دقت چکیر.