آمریکا ایشیدی ووردو

آمریکا اوردوسو عراقدا گؤزلنیلن عملیاتی باشلاتدی.
باراک اوبامانین دونن ائتدیگی سرت دانیشمانین آردین‌دان، بو گون پنتاگون آمریکا اوچاق‌لاری‌نین ایشید هؤرگوتونون هدفلرینی ووردوغونو بیلدیردی.
هاوا سالدیریسی قراری، ایشید میلیتان‌لاری اربیلی توپ آتیشینا توتماغا باشلادیق‌دان سونرا آلیندی. آمریکان ساوونما باخانلیغی سؤزچوسو، "آمریکان پرسنلینین ده قونوشلاندیغی اربیل شهرینه بومباردمان باشلادیق‌دان سونرا، شهری ساوونان پشمرگه‌یه دستک وئرمک اوچون هاوا عملیاتی تشکیل ائدیلدی" شکلینده بیر آچیقلاما وئردی. باشقان اوباما دونن، ایشید میلیتان‌لاری‌نین، عراقین قوزئیینده‌کی آمریکا پرسنلینی تهدید ائتمه‌سی وضعیتینده، هاوا سالدیریسی تشکیل ائدیلمه‌سی اوچون یئتکی وئریلدیگینی سؤیله‌میشدی.
ایشیدین قیرغین‌لاری قارشی‌سیندا دهشته دوشدوگونو سؤیله‌ین بیرلشمیش میلتلر باش کاتیبی بان کی موون دا عاجل یاردیم چاغریسی ائتدی.