اؤلنلرین یوزده قیرخ ایکی‌سی اوشاق!
غزه‌ده چاتیشما‌لار آزالیرکن، آتیش‌کس قونوسون‌داکی بلیرسیزلیک داوام ائدیر
غزه‌ده چاتیشما‌لار آزالیرکن، آتیش‌کس قونوسون‌داکی بلیرسیزلیک داوام ائدیر.
حماس، رمضان بایرامی سببیله بیرلشمیش میللتلر تشکیلاتی‌نین چاغریسینا اویاراق ۲٤ ساعات‌لیق آتیش‌کس تکلیفینی قبول ائتدیگینی آچیقلادی. حماسین آچیقلاماسی‌نین آردین‌دان بؤلگه‌دن چاتیشما خبرلری گلمه‌یه داوام ائدیر. ایکی طرف ده آتیش‌کسی قارشی طرفین پوزدوغو ادعا ائدیر.
غزه‌ده اؤلو ساییسی ۱۰٦۲یه یوکسلدی، چوخو قادین و اوشاق ٦ مین ۳۰۰ ده یارا‌لی وار. بؤلگه‌ده سو، قیدا، درمان و طبی ملزمه یوخ‌لوغو اینسانی بحرانی درینلشدیریر. قیرغیندا حیاتینی ایتیرن‌لرین یوزده ٤۲سینی، یارا‌لانان‌لارین ایسه یوزده ٥٤ونو اوشاقلار تشکیل ائدیر.
ایسراییل ایسه بو گونه قدر ٤۳ عسگرینی ایتیردی. ۳ ایسرایل وطنداشی دا حماسین راکت سالدیریلاریندا اؤلدو.
بو آرادا، آمریکا پرزیدنتی باراک اوباما، ایسراییل باشباخانی بنیامین نتانیاهو ایله تلفندا غزه‌نی دانیشدی. اوباما، انسانی یاردیم‌لار اوچون غزه‌ده اؤن شرط‌سیز آتیش‌کسین تامین ائدیلمه‌سی لازیم اولدوغونو سؤیله‌دی. باراک اوباما، ۲۰۱۲ آتیش‌کس آنلاشماسی چرچیوه‌سینده چاتیشما‌لارین تامامیله دورماسی لازیم اولدوغونو دا سؤزلرینه علاوه ائتدی.
ایلگیلی‌لی خبرلر
غزه‌ده اوشاقلار جدی یئمک قیتلیغییلا قارشی قارشییادیر
بیرلشمیش میللتلر اوشاقلارا کؤمک صاندیغی یونیسف، "اوشاقلاردا غذا قیتلیغی" باشلیقلی راپورونو یاییملادی
