عرب بیرلیگیندن غزه‌یه یاردیم قراری چیخدی
دیگر طرف‌دن غزه‌دکی سالدیرینی اعتراض ائدن فیلیسطینلی‌لرله ایسراییل پولیسی بیت اللحیم‌ده چاتیشدی
قاهیره‌ده توپ‌لانان عرب بیرلیگی توپلانتیندا غزه‌یه یاردیم قراری چیخدی.
سعودی عربیستان فیلیسطینلی‌لره 53 میلیون دولار، کویت ایسه10 میلیون دولار هدیه‌ده ائتدیغینی آچیقلادی.
سعودی عربیستان خاریجی ایشلر ناظیری‌نین معاوینی شاهزاده عبدالعزیز اؤلکه‌سی‌نین فیلیسطین ساغلیق و قیدا احتیاج‌لاری‌نین قارشیلانماسی اوچون 53 میلیون دولار دگرینده اینسانی یاردیم اولدوغونو قید ائتدی.
کویت باش ناظیرین بیرینجی معاوینی و خاریجی ایشلر ناظیری صاباح دا، اؤلکه‌سی‌نین فیلیسطین ساغلیق سکتورونا دستک اولماق اوچون 10 میلیون دولار باغیشلادیغینی ایفاده ائتدی.
بو آرادا، غزه‌نین آردین‌دان لبنان و میصیردان دا ایسراییله یؤنلیک راکت سالدیریلاری ائدیلدی.
ایسراییل اوردوسو، لبنان‌دان ائدیلن سالدیرییا توپ آتیش‌لاری ایله جواب وئردی.
میصیردان آتیلان راکت ایسراییلین قیرمیزی دنیزدکی لیمان شهری ائلیات‌دا 4 نفرین یارالانماسینا سبب اولدو.
دیگر طرف‌دن غزه‌دکی سالدیرینی اعتراض ائدن فیلیسطینلی‌لرله ایسراییل پولیسی بیت اللحیم‌ده چاتیشدی.
ایسراییل پولیسی، یوزلرله نوماییشچی‌لری داغیتماق اوچون گؤز سولاندیریجی گاز ایستیفاده ائتدی.
ایلگیلی‌لی خبرلر
فاناتیک یهودیلر بیر داها الاقصی مسجیدینه باسقین ائدیب
ایسراییل قوه لرینین الاقصی مسجیدینه قارشی تخریبات‌لاری داوام ائدیر.
