ایسراییل غزهنی هاوادان و دنیزدن وورماغا داوام ائدیر
گوزئی ساحللریندن غزهیه سیزما جهدینده اولدوغو و بونا قارشی قویان عزت الدین قسام توگایلارییلا شدتلی چاتیشمالار یاشاندیغی بیلدیریلدی
ایسراییل غزهنی هاوادان و دنیزدن وورماغا داوام ائدیر
ایسراییلین غزهیه دوزنلدیغی هاوا سالدیریلاریندا حیاتینی ایتیرنلرین سایسی 163-ه، یارالیلارین ایسه 1085-ه یوکسلدی.
دنیز گوجلرینه باغلی خصوصی بیر تیمین ده، گوزئی ساحللریندن غزهیه سیزما جهدینده اولدوغو و بونا قارشی قویان عزت الدین قسام توگایلارییلا شدتلی چاتیشمالار یاشاندیغی بیلدیریلدی.
دنیز چیخارتما عملیاتینا ایسراییل سالدیری قایقلاری و ساواش هلیکوپترلرینین قاتیلدیغی وورغولاندی.
گؤرگو شاهیدلری، دنیزدن ایشغالا قارشی مقاومت گؤسترن فیلیستینلیلره، آغیر سیلاحلا، موشک و راکتلرله سالدیریلدیغینی ایفاده ائدرکن، فیلیستینلی موقاویمتچیلرین ایسراییل دنیز قوموتانلارینا یونگول سیلاحلار، قومپاره و آرپی جی راکتلریله قارشیلیق وئردیگینی بیلدیردی.
غزهدکی بیر گوونلیک مسئولو، ساحل شریدیندکی چاتیشما بؤلگهسی اوزرینده، ایسراییلین 20-دن چوخ اینسانسیز اوچاغینین اوچدوغونو سؤیلهدی.
ایسراییلین دنیزدن ایجرا ائتدیگی عملیات سیراسینداکی چاتیشمالاردا، ایکی طرفین ایتکیلری موضوعسوندا هله بیر معلومات وئریلمهدی.
عزت الدین القسام بریقادالارینین دا، ایسراییلین پایتختی تل آویوی ژ80 موشکلریله سالدیری تشکیل ائتدیگی بیلدیریلدی.
ساواشین یئددینجی گونونده ایسراییل، هاوا و دنیزدن ائتدیگی سالدیریلارا، قارا حرکاتینی دا علاوه حاضیرلانیر.
بونون اوچون اوّل گوزئییه غزهدکی ائولرین بوشالدیلماسینی ایستهدی.
چارهسیز خالق بیرلشمیش میللتلره عایید مکتب و بینالارا سیغینماغا باشلادی.
بؤلگهدکی بیر چوخ ائو سالدیریلارین هدفی اولدو.
ایسراییل حکومتی اؤتن گونلرده قارا حرکتی اوچون 40 مین احتیاط نیظامی وظیفهیه چاغیرمیشدی.