"ایشیده حربی موداخیله اولما‌لی"
بان کی مونون عراق اؤزل نماینده‌سی نیکولای ملادئنوو، عراق شام ایسلام دؤولتی هؤرگوتو و متفیق‌لرینه حربی مداخیله ائدیلمه‌سی لازیم اولدوغونو سؤیله‌دی
بیرلشمیش میللت‌لر تشکیلاتی باش کاتیبی بان کی مونون عراق اؤزل نماینده‌سی نیکولای ملادئنوو، عراق شام ایسلام دؤولتی هؤرگوتو ایشید و متفیق‌لرینه حربی مداخیله ائدیلمه‌سی لازیم اولدوغونو سؤیله‌دی.
ملادئنوو، بغداددان ویدئو کنفرانس یولویلا نیویورکا باغلانا‌راق تشکیل ائتدیگی مطبوعات کنفرانسیندا، عراق‌داکی سون گلیشمه‌لری و چؤزوم تکلیف‌لرینی قازئته‌چی‌لرله پایلاشدی.
عراق‌داکی بحرانین تملینده ایشید و متفیقی سلاح‌لی قروپ‌لارین اورتایا قویدوغو شدتین اولدوغونو وورغولایان ملادئنوو، بو قروپ‌لارا حربی عملیاتلا جاواب وئریلمه‌سی لازیم اولدوغونو آنجاق بو عملیاتین بغداد و اربیلین اورتاق چالیشماسیلا باشاریلی اولا‌بیله‌جیینی قید ائتدی.
ملادئنوو، ایشیدین عراقدا ایرلیله‌ییشین‌دن بو گونه یاشانان سیویل ایتکیلره ده توخونا‌راق، ٥ ژوئن‌دان بو یانا اؤلدورولن وطنداش‌لارین ساییسی‌نین مین اوچ یوزدن چوخ اولدوغونو، مین ایکی یوز اللی نفرین ده یارالاندیغینی سؤیله‌دی.
