عراقدا ایچ ساواش اولاسیلیغی
هدفلرینین بغداد اولدوغونو آچیقلایان ایشید میلیتانلاری، انبارا باغلی حصیبه بؤلگهسیندن ده گئری چئکیلن سرحد بیرلیکلرینه سالدیردی
موصولون آردیندان صدام حسینین دوغوم یئری تکریتدن سالدیران ایشید میلیتانلاری بغدادا دوغرو ایرلیلهییر.
بؤلگهسل یؤنهدیمه باغلی پئشمرگه باخانلیغینین باش کاتیبی، تورکیهنین موصول باش کونسولو و ٤۸ چالیشانینین، موصول والیلیگی بیناسیندا توتولدوقلارینی و ساغلیق دوروملارینین یاخشی اولدوغونو آچیقلادی. کاتیب، کرکوکدهکی سون دوروملا ایلگیلی ایسه عراق اوردوسونون، شهردکی یئر و قرارگاهلارینی ترک ائتدیگینی، بؤلگهدکی کنترلون تامامیله پئشمرگهنین الینده اولدوغونو سؤیلهدی.
عراقدا چاتیشمالار ایسه اؤلکهده داوام ائدیر. دیالهده تشکیل ائدیلن هاوا سالدیریسیندا اونلارجا ایشید میلیتانینین اؤلدوگو، هؤرگوته عاید ٦۰ آراجین دا یوخ ائدیلدیگی بیلدیریلدی.
موصولون آردیندان تکریته سالدیران ایشید میلیتانلاری دا بورادا گیروو آلدیقلاری عسگرلرین گؤرونتولرینی سوسیال مئدیا اوزریندن یایملادی.
آنجاق عراق اوردوسو بیر مدت سونرا تکریتی ایشیدین الیندن گئری آلیندیغینی بیلدیردی. هدفلرینین بغداد اولدوغونو آچیقلایان ایشید میلیتانلاری، انبارا باغلی حصیبه بؤلگهسیندن ده گئری چئکیلن سرحد بیرلیکلرینه سالدیردی. اولایدا چوخ ساییدا اؤلو و یارالی اولدوغو بیلدیریلدی.
باشباخان نوری المالیکینین تعلیماتییلا، عراق حکومتینین، شیعهلر اوچون اؤنملی بیر مرکز اولان سامرانین قورونماسیندا اوردویا دستک اوچون وطنداشلاردان اولوشان مین نفرلیک گوج اولوشدورولدوغو بیلدیریلدی. عراق پارلامنتینده اؤلکهدکی گوونلیک پروبلئملرینین دانیشیلاجاغی اولاغاناوستو اوتوروم، قاتیلیم اولمادیغی اوچون گرچکلشمهدی.
اؤته یاندان موصولو ایشغال ائدن ایشید،سوسیال مئدیا ایلیشکیلری اوزریندن بورادا اویقولاناجاق قوراللاری دا آچیقلادی. ایشیدین آچیقلادیغی قوراللار آراسیندا، "قادینلارین زروری اولمادیقجا ائولریندن چیخابیلمهیهجیی، چیخانلارین ایسه ایسلامی قوراللارا گؤره گئیینمک مجبوریتینده اولدوغو، اوغرولارین شریعت قایدالارینا گؤره جزالاندیریلماسی، الکل و توتونون قاداغان ائدیلمهسی" وار.