تورکمن‌لره سالدیری
عراق شام ایسلام دؤولتی هؤرگوتو توزخورماطوداکی ۲ تورکمن کندینده کنترلو اله آلدیغینی بیلدیردی
موصولدا تامامیله کنترلو اله آلان عراق شام ایسلام دؤولتی هؤرگوتو ایره‌لیلمه‌یه داوام ائدیر.
ترور هؤرگوتو، توزخورماطوداکی ۲ تورکمن کندینده کنترلو اله آلدیغینی بیلدیردی. پلیس و اوردویا عاید گوج‌لرین ۲٥ مین تورکمن‌ین یاشادیغی ۲ کندی ترک ائتدیگی بیلدیریلدی.
شدت عراقین بوتون شهرلرینه یاییلیر. کرکوک‌دن، اوردو ایله عراق شام ایسلام دؤولتی هؤرگوتو میلیتان‌لاری آراسیندا شدت‌لی چاتیشما خبرلری گلیر.
تلعفرده قایغیلی گؤزله‌یش سوررکن، عراق بؤلگه‌سل یؤنه‌دیمی‌نین سلیمانیه‌ده گوونلیک گوج‌لری‌نین اولاسی سالدیری‌لارا قارشی، آلارما گئچیریلدیگی بیلدیریلدی.
بیرلشمیش میللت‌لر تشکیلاتی، آوروپا و عرب بیرلیگین‌دن کؤمک ایسته‌ین عراق باشباخانی نوری المالیکی؛ موصولدا اولاغان اوستو حال، کرکوکده ایسه کوچه‌یه چیخما یاساغی اعلان ائتدی.
موصولدا یاشانان‌لارین آردین‌دان، شهردن قاچیش داوام ائدیر. آرا‌لاریندا ۱۲۰ تورک ایشچی‌نین ده اولدوغو مینلرجه انسان دهوک و اربیله سیغینمایا داوام ائدیر. چاتیشما‌لار سیراسیندا موصولدا اولان ۲۸ تورک تریلی شوفری‌نین وضعیتی ده تورکیه طرفین‌دن یاخین‌دان تعقیب ائدیلیر.
گلیشمه‌لر سیراسیندا صربیستانین باشکندی بلگراددا اولان خاریجی ایشلر باخانی احمد داووداوغلو تلفن ترافیکی گرچکلشدیردی. داووداوغلو،"بیز، اونلارین در حال قورتاریلماسی، ان قیسا زاماندا عائله‌لرینه و اؤلکه‌لرینه قوووشما‌لاری اوچون چالیشیریق. اونلارجا ایلگیلی بعضی تماس‌لار قورولدو. قوردوغوموز تماسلاردا وضعیت‌لری‌نین یاخشی اولدوغونو خبر آلمیش اولماق، هله‌لیک بیزی تسلی ائتدی" دئدی. باشباخان رجب طیب اردوغان دا قونونون دگرلندیریلمه‌سی اوچون بؤلگه‌دن ساغلیقلی بیلگی‌لرین گلمه‌سینی گؤزلدیک‌لرینی سؤیله‌دی.
