عراق خالقی، بو گون صاندیق باشینا گئدیر
اؤلکه‌ده گوونلیک تدبیرلری ان اوست سویه‌یه چیخاریلدی.
عراقدا خالق، صددام حسینین دئوریلمه‌سین‌دن بری 4-جو دفعه صاندیق باشینا گئدیر.
9 مین‌دن چوخ نامیزدین 328 عضو‌لو پارلامنت اوچون یاریشاجاغی سئچیمده 21 میلیون 400 مین سئچیجی سس ایستیفاده ائده‌جک.
القاعیده باغلی قروپ‌لارین نظارتینده اولان آنبار ویلایتینده ایسه سئچیم ائدیلمه‌یه‌جک.
سئچیم‌لره قاتیلان بؤیوک پارتی‌لردن، 2-ی شیعه، 3-او سوننی 1-ی ده کورد قروپ‌لارا عایید.
سئچیم‌لرده 2 دؤوردور باش ناظیرلیک وظیفه‌سینی ایجرا ائدن نوری المالیکی‌نین لیدرلیگینی ائتدیگی شیعه بلوکو، مجلیس‌دکی 328 کورسودن 100ونون قازاناجاغی تخمین ائدیلیر.
آنجاق هله 2 بؤیوک شهرین ترور تشکیلات‌لاری‌نین ایداره‌سینده اولماسی مالیکینی مجبور ائده‌جک کیمی گؤرونور.
سئچیم‌لر اؤنجه‌سی گوونلیک تدبیرلری ده حدی کئچیر.
اؤلکه‌ده بیر هفته‌لیک تعطیل اعلان ائدیلدی.
عراق هاوا ساحه‌سی ده بو آخشاما قدر باغلی قالا‌جاق.
بوتون گوونلیک تدبیرلرینه باخمایا‌راق بغدادین شیمال-شرقین‌دکی سعدیه قصبه‌سین‌دکی بیر آچیق هاوا بازاریندا میدانا گلن پارتلاما‌لاردا 17 نفر حیاتینی ایتیردی، 42 نفر یارالاندی.
