گنجه-ده اؤلنلرین سایی 13-ا چاتدی، 52 نفر ایسه یارالانیب
ائرمنیستان سلاحلی قوهلری اینسانی آتشکس رژیمینی پوزاراق گنجه شهرینی یئنیدن راکت آتشینه توتوب.
ائرمنیستان سلاحلی قوهلری اینسانی آتشکس رژیمینی پوزاراق گنجه شهرینی یئنیدن راکت آتشینه توتوب.
فوق العاده حاللار ناظیرلیگیندن وئریلن معلوماتا گؤره، اینسانی آتشکس رژیمینی کوبودجاسینا پوزماقدا داوام ائدن ائرمنیستان اوردوسو 17 اوکتبر 2020-جی ایل تاریخینده گئجه ساعات 01:00 رادهلرینده دؤیوش بؤلگهسیندن تامامیله کناردا یئرلشن آذربایجانین ایکینجی بؤیوک شهری اولان گنجهیه یئنیدن راکت ضربهلری ائندیریب، بؤیوک داغینتی و اینسان تلفاتی تؤردیب.
درحال اراضییه فوق العاده حاللار ناظیرلیگینین مووافیق قوهلری جلب اولونوب. بو واختا قدر داغینتیلار آلتیندان خسارت آلمیش 52 نفر و 13 نفرین جسدی چیخاریلیب.
حاضیردا آختاریش-قورتارما عملیاتلاری داوام ائتدیریلیر. اراضییه تکرار باخیشلار کئچیریلهجک، دین زیان معینلشدیریلهجک".
بونو سحر ساعاتلاریندا گنجهیه گلمیش فوق العاده حاللار ناظیری کمال الدین حیدروو دئییب.
ناظیر بیلدیریب کی، گنجهده اهالی تمکینلیدیر، هئچ بیر تشویش یوخدور: "تکجه گنجه دئییل، دیگر شهر و رایونلاردا دا یاشاییش منطقهلرینی راکت آتشینه توتورلار، بو، واندالیزمدیر. ائرمنی وانداللاری درسلرینی آلیرلار، آذربایجان اوردوسو قطعیت ایله ایرلیلییر. عالی باش قوماندان تاریخ یازیر".
کمال الدین حیدروو قئید ائدیب کی، داغیلان بوتون یئرلر برپا اولوناجاق، ساکینلر منزیللرله تعمین اولوناجاق.
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر