طیارات جنگی روسی ولسوالی درقد تخار را بمباران کردند
طیارات جنگی روسی واز تاجیکستان بخشهای از ولسوالی درقد ولایت تخار را پس از درگیری قاچاقبران و نیروهای مرزی تاجیک، بمباران کردند
مقامهای محلی ولایت تخار میگویند که طیارات جنگی روسی از تاجیکستان صبح روز دوشنبه ۵ سنبله بعضی از قسمتهای ولسوالی درقد ولایت تخار را، بمباران کردند.
جواد هجری، سخنگوی والی تخار میگوید که درحوالی ساعت چهار روز گذشته یک درگیری میان قاچاقبران و قوای سرحدی تاجیکستان در یکی از بخشهای سرحدی میان دوکشور رخ داد که درنتیجه دو تن از موظفین سرحدی تاجیک، کشته شدند.
او افزود که درگیری برای چهارساعت ادامه یافت و قوای سرحدی تاجیکستان بخشهای از ولسوالی درقد را با راکت نیز، آماج قرار دادند.
به گفتۀ اوصبح امروز دوشنبه طیارات جنگی خارجی که گمان میرود روسی و یا هم طیارات جنگی تاجیکستانی باشند، در منطقه تحت کنترول طالبان درولسوالی درقد را که درنزدیکی مرز با تاجیکستان قرار دارد، بمباران کردند.
اما تاکنون تلفات برخاسته از این حمله روشن نیست.
تاکنون ادعای سخنگوی والی تخار از سوی مقامهای تاجیکستانی و یا هم روسی، تأیید نشدهاست.