سوریه ده امریکانینگ حربی مرکزیگه هجوم اویوشتیریلدی

سوریه نینگ شمال – شرق تامانیده جایلشگن حسکه ولایتیده گی امریکا قوشمه ایالتلری کوچلری نینگ شدّادی آتیده گی حربی مرکزیگه کیم لیگی نامعلوم هیداوچیسیز هوا واسطه سی درونلر آرقه لی هجوم اویوشتیریلدی.

محلی مطبوعاتدن قولگه کیریتیلگن معلوماتگه کوره حسکه ولایتی نینگ جنوبیده امریکا قوشمه ایالتلری کوچلری جایلشگن شدّادی آتیده گی حربی مرکزگه کیم لیگی نامعلوم و اوستیده منفجره مواد بولگن هیداوچیسیز هوا واسطه سی درونلر آرقه لی هجوم اویوشتیریلدی.

خوددی شو هجوم عاقبتیده تلفات بارلیگی ویا یوقلیگی حقیده معلومات بیریلمه دی. شونده ی بولیب حادثه حقیده امریکا قوشمه ایالتلری تامانیدن هم بیانات بیریلگن یوق.

سوریه ده سونگگی پیتلرده تنف منطقه سی، عراق نینگ چیگره سیگه یقین مالکیه تومنی، حسکه ولایتی گه باغلیق شدّادی تومنی و دیرالزور ولایتیده گی امریکا قوشمه ایالتلری اردوسی جایلشگن حربی مرکزلرگه کیم لیگی نامعلوم هیداوچیسیز هوا واسطه سی درونلر آرقه لی و ییردن آغیر قوراللر آرقه لی هجوملر اویوشتیریلماقده.