حزب الله کوچلری اسرائیل ده بیر حربی نقطه گه هجوم اویوشتیردی

حزب الله حرکتی لبنان نینگ جنوبیدن اسرائیل ده گی بیر حربی نقطه گه هجوم اویوشتیرگن لیگینی بیلدیردی.

حزب الله اسرائیل نینگ چیگره ده جایلشگن حربی نقطه گه قره ته اویوشتیرگن هجوم گه تیگیشلی بیانات بیردی.

بیاناتده،اسرائیل نینگ المالکیه حربی مرکزیگه «مناسب قوراللر آرقه لی» هجوم اویوشتیریلگن لیگی افاده ایتیلدی.

لبنان رسمی خبر آژانسی NNA ده اورین آلگن خبرگه کوره ایسه اسرائیل گه باغلیق قوراللی هیداوچیسی هوا واسطه لری (درون) بیت لیف و رامیا قصبه لری اورته سیده جایلشگن منطقه نی بمباردمان قیلگن.

عیندمده کفریاتیر قصبه سی نینگ اوستیده بیر راکت نینگ پارتلب کیتگن لیگی و کتته بیر پارچه سی نینگ بیر موترگه اصابت ایتگن لیگی معلوم قیلیندی.

اسرائیل اردوسی بیلن اسرائیل حرکتی اورته سیده 8 اکتوبردن بیر یوزبیرگن توقنه شوولرده 100 ته حزب الله ایزداشی و 6 ته اسرائیل حربیسی اولدی.

خوددی شو توقنه شوولر طفیلی لبنان ده 24 اسرائیل ده 5 نفر تینچ اهالی حیاتینی یوقاتدی.