یاقیلغی یوکلنگن موترلر غزه گه کیره باشله دی
اوشبو موتر لر رفح چیگره دروازه سیدن غزه گه اوتماقده
حماس بیلن اسرائیل نینگ اوتکینچی آتشکیسین توغریسیده کیلیشیب آلیشی آرتیدن مصردن غزه نواری گه یاقیلغی یوکلنگن موتر لرنینگ کیره باشله گن لیگی بیلدیریلدی.
رفح چیگره دروازه سی نینگ غزه تامانیده گی منبع لر یاقیلغی موتر لری نینگ کیله باشله گن لیگینی تصدیقله دی.
اوشبو یاردم موتر لری نینگ یاقیلغی و آشخانه ده استفاده ایتیله دیگن گاز تیوپ لری نی انتقال ایتدیریاتگن لیگی بیلدیریلدی.
اسرائیل نینگ غزه گه یاقیلغی نینگ انتقال ایتدیریلیشی نی توسیب قویگن لیگی سببلی کوپلب کسلخانه لر برق سیز بولیب قالگن لیگی اوچون فعالیت آلیب باره آلمس ایکن, امبولانس لر توختب قالیب, داکتر لر موبایل لری نینگ آیدین لیگیده عملیات قیلگن قیلگن ایدی.
غزه ده گی اوروش لرنینگ دستلبکی هفته سیده, منطقه ده گی بیرته گینه برق سنترالی یاقیلغی ییترسیزلیگی سببلی برق تولیدی نی توخته تیب قویگن ایدی.
کیین ایسه کسلخانه لر, مخابرات شرکت لری, ساغلیق مرکز لری, اوی لر و قودوق دن سوو چیقریش اوچون استفاده ایتیله دیگن جنراتور لر نی ایشله تیش مقصدی بیلن کیره کلی یاقیلغی هم توگه گن ایدی.
علاقه لی ینگی لیکلر
تورکیه ملی استخبارات تشکیلاتی ایککی نفر تروریست جنگرینی تاثیرسیز وضعیت گه کیلتیردی
اوشبو تروریست جنگریلر عراق نینگ شمالیده تاثیرسیز وضعیت گه کیلتیریلدی