اسرائیل: غزه گه قره تیلگن هجوم لری میز دوام ایته دی

اسرائیل قوراللی کوچلری قوماندانی هرتزل لوی, ایرته گه باشله شی کوتیلیاتگن اوتکینچی آتشکیسین مدتی نینگ تکمیل بولیشی آرتیدن غزه نواری گه قره ته هجوم لری نینگ دوام ایته دیگن لیگینی معلوم قیلدی.

لوی, غزه نینگ شمالیده بیرگن بیاناتیده, "اوروش نی بیتیرمه یمیز.  'مظفر' بولگونگه قدر دوام ایتدیره میز, آلغه کیته میز" دییه قید ایتدی.

اسرائیل باش وزیری بنیامین نتنیاهو هم توناون بیرگن بیاناتیده, غزه گه قره تیلگن هجوم لرنینگ اوتکینچی آتشکیسین مدتی نینگ تکمیل بولیشی آرتیدن دوام ایته دیگن لیگینی بیلدیرگن ایدی. 

قطر و مصر نینگ واسطه چیلیگی بیلن اسرائیل و حماس اورته سیده اسیر المه شووی توغریسیده کیلیشیلیب آلینگن لیگی بیلدیریلگن ایدی. 

اوشبو دایره ده, غزه ده گی اوروش لرنینگ تورت کونلیک بیر مدت بیلن توخته تیلیشی کوتیلماقده. 

حاضرگه چه هیچ قنده ی بیر بیانات بیریلمه گن لیگی گه قره مسدن ایرته گه اوتکینچی آتشکیسین نینگ باشله شی کوتیلماقده.