جمهور باشلیغی ایردوغان: تورکیه نی یهودستیزلیک بیلن عیبلش ممکن ایمس

تورکیه جمهوریتی جمهور باشلیغی رجب طیب ایردوغان،

"اسرائیل قنچه هم اورونسه ده تورکیه نی یهودستیزلیک بیلن عیبلشی ممکن ایمس. تورکیه نینگ اوتمیشیده بونقه بیر اویتلیک لکه سی کوریلمه یدی." دیدی.

کابینه جلسه سی نینگ آرتیدن بیانات بیرگن جمهور باشلیغی ایردوغان نینگ کون ترتیبیده اسرائیل نینگ غزه نواری نی آماج قرار بیرگن هجوملری مهم اورین نی ایگلله دی.

غزه ده 7 اکتوبردن بیری وحشت، 1 مینگ ییل آلدینگی صلیبچیلر باسقین چیلیگی، 2 – جهان اوروشیده یوزبیرگن لرگه اوخشش بیر قاتللیک بولگن لیگینی تیلگه آلگن ایردوغان جنابلری،

"باله لرگه، خاتین – قیزلرگه، قرّی – کیکسه لرگه قره ته بوتونله ی مودرن اوروش اسبابلریدن ایش آلگن اسرائیل و اونی قوللب – قوتله گنلر انسانلیک وجدانی گه قرشی محاکمه بوله دیلر." دیب ایتدی.

اسرائیل نینگ هسته ای قورال مسئله سی نینگ اونوتیلیشی گه تورکیه اوله راق رخصت بیرمسلیکلرینی قید ایتگن ایردوغان،

"بیز تورکیه اوله راق غزه ده آقیب تورگن قان نینگ توخته تیلیشی اوچون اورونر ایکن غرب اولکه لری نینگ وجدانسیزلیگینی اویت بیلن تعقیب ایتماقده میز. هولوکاست اویتی، اروپالیک رهبرلرنی اسیر آلگن وضعیتده. اسرائیل قنچه هم اورونسه ده تورکیه نی یهودستیزلیک بیلن عیبلشی ممکن ایمس. تورکیه نینگ اوتمیشیده بونقه بیر اویتلیک لکه سی کوریلمه یدی." دیدی.