غزه نواریده گی توقنه شوولرده ینه ایککی نفر اسرائیل عسکری اولدیریلدی

اسرائیل اردوسی محاصره آستیده گی غزه نواریده گی توقنه شوولرده اولدیریلگن حربی سانی نینگ 68 نفرگه ییتگن لیگینی بیلدیردی.

اردو تامانیدن بیریلگن یازمه بیاناتده، غزه نینگ شمالیده گی توقنه شوولرده ینه 2 ته عسکرنینگ اولگن لیگی معلوم قیلیندی.

بیاناتده 5 ته اسرائیل عسکری نینگ ایسه غزه نینگ شمالیده گی توقنه شوولرده آغیر یره لنگن لیگی قید ایتیلدی.

اسرائیل اردوسی تامانیدن بیریلگن بیاناتگه کوره 7 اکتوبردن بیری غزه نواریده گی توقنه شوولرده اولدیریلگن حربی سانی 68 نفرگه ییتگن وضعیتده.

حماس نینگ حربی ترماغی عزت الدین القسام کوچلری 7 اکتوبرده اسرائیل نینگ "فلسطین لیکلر قاله ویرسه مسجد اقصی گه قره ته اخلاللریگه جواب بیریش" مقصدی بیلن «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگندی.

اسرائیل اردوسی بیلدیریشیچه 7 اکتوبردن بوگونگچه 310 دن آرتیق اسرائیل حربیسی توپلم 1 مینگ 200 اسرائیل لیک نینگ اولگن لیگی 5 مینگ 132 کیشی نینگ یره لنگن لیگی بیلدیریلدی.

اسرائیل اردوسی خبر بیریشیچه القسام کوچلری نینگ قولیده 239 ته اسرائیل لیک اسیر بار.

غزه ده گی حکومت معلوم قیلیشیچه 7 اکتوبردن بوگونگچه اسرائیل نینگ هجوملری عاقبتیده غزه نواریده کوپراغی باله و خاتین – قیز توپلم 13 مینگدن آرتیق کیشی اولدیریلگن.