تورکیه نتنیاهو نینگ سوزلری گه عکس العمل کورستدی

تورکیه, اسرائیل باش وزیری بنیامین نتنیاهو و تشقی ایشلر وزیری ایلی کوهن نینگ تورکیه جمهوریتی جمهوررئیسی رجب طیب اردوغان حقیده گی سوز لریگه عکس العمل کورستدی. 

تورکیه جمهوریتی تشقی ایشلر وزیرلیگی "اسرائیل باش وزیری نتنیاهو و تشقی ایشلر وزیری کوهن نینگ جمهوررئیس اردوغان حقیده گی اساس سیز افترا لری" بیلن علاقه لی یازمه بیانات بیردی.

بیاناتده, فلسطین خلقی گه قره تیلگن "ظلم و قیرغین لری بیلن تاریخ نینگ قاره صفحه لریده اورین آلگن" اسرائیل لیک مسئول لرنینگ حقوق حقیده بحث ایتیش گه حقی نینگ بولمه گن لیگی اورغولندی. 

"حقیقت لرنینگ اَیتیلیشی دن راحتسیز بولگن بنیامین نتنیاهو و ایلی کوهن نینگ, حرمتلی جمهوررئیسی میز حقیده گی اساس سیز افترالری, اولرنینگ عیبلرینی یاپیب قویمه یدی" دییه قید ایتیلگن بیاناتده, "مشروعیت لری نی انسانلیک وجدانیده قولدن بیریب قویگن اسرائیل لیک مسئول لرنینگ, همه قره ب تورگن حالده کسلخانه لرنی بمباردمان قیلیب و عیال لر و باله لرنی اولدیریب مرتکب بولگن جرم لرینی ایسدن چیقریش لری و دقت لرنی باشقه بیر تامان گه قره تیش لری ممکن ایمس لیگی" بیلدیریلدی. 

عینی دمده بیاناتده, "دنیا ده جدی قیغو گه سبب بولگن اوشبو بشری جرم لر نینگ مشوق لری و فاعل لری بیر کون کیلیب محاکمه قیلینه دی.  تورکیه, غزه ده گی قیرغین لر گه مخالفت قیلیش گه و فلسطین خلقی نینگ حقلی دعواسی نی حمایت قیلیش گه دوام ایته دی" دییه قید ایتیلدی.