اسرائیل بیلن حماس اورته سیده گی توقنه شوو لر دوام ایتماقده

حماس تامانیدن 7- اوکتوبر کونی باشله تیلگن هجوملر آرتیدن, منطقه ده فلسطینلیک قوراللی گروه لر و اسرائیل اورته سیده گی توقنه شوولر دوام ایتماقده. 

اسرائیل اردوسی نینگ کیچه غزه نواری نینگ غربی ده گی الشاطی مهاجر لر کمپی و شمالیده گی جبالیه منطقه لرینی بمباردمان قیلیشی نتیجه سیده کوپلب کیشی نینگ حیاتینی یوقاتگن لیگی و یره لنگن لیگی معلوم قیلیندی. 

اسرائیل کوچلری نینگ, اشغال آستیده گی شرقی بیت المقدس نینگ شمالیده اورین آلگن قلندریه مهاجر لر کمپی گه قره تیلگن هجومیده بیر نفر فلسطینلیک آغیر یره لندی و 2 فلسطینلیک ایسه قولگه آلیندی. 

اسرائیل غزه نواری نینگ جنوبی ده گی رفح شهری نینگ فرقلی منطقه لری گه قره ته هوا هجومی اویوشتیردی.  اوشبو هجوملرده 9 کیشی حیاتینی یوقاتدی و کوپلب بنا ویران بولدی. 

اسرائیل اردوسی تامانیدن بیریلگن بیاناتده, اوشبو هجوملرده القسام نینگ دینگیز کوچلری یوقاری مرتبه لی مسئولی محمد ابو شامله نینگ اولدیریلگن لیگی معلوم قیلیندی. 

بیاناتده, شامله نینگ اوییده دینگیز هجوملریده استفاده ایتیله دیگن مهمات یاشیریلگن لیگی ادعا ایتیلدی. 

غزه نواری نی بمباردمان قیلیاتگن اسرائیل, منطقه نینگ شمالیده بیر امبولانس نی اوردی. اوشبو حادثه عاقبتیده 4 نفر ساغلیق نی سقلش پرسونلی حیاتینی یوقاتدی. 

عینی دمده اسرائیل کوچلری, غزه نینگ شرقیده هم بیر نفر ساغلیق نی سقلش پرسونلی نی اولدیردی. 

اسرائیل, قماقخانه لرده گی برچه فلسطینلیک لرنینگ برقی نی اوچیریب تشله دی.  مسئول لر اوشبو ایش بوییچه هدف نینگ, "فلسطینلیک محکوم لرنینگ قاچاق تلفن لر آرقه لی تشقری بیلن ارتباط قوریب ترورچیلیک فعالیت لری اوچون بویروق بیریشی نینگ آلدی نی آلیش دن عبارت ایکن لیگی نی" ادعا ایتدی. 

اسرائیل انرژی وزیری اسرائیل کاتز, غزه نواری ده اسیر بولگن اسرائیل لیک لر اوی گه قیتمسدن غزه گه برق, سوو و یاقیلغی بیریلمه یدیگن لیگینی بیلدیردی. 

حماس نینگ قوراللی بولیمی دن عبارت عزالدین القسام لوا لری ایسه, اسرائیل نینگ شمالی ده گی حیفا شهری گه راکت آتگن لیگی نی معلوم قیلدی. 

اوشبو هجوم نینگ جزئیاتی حقیده معلومات بیریلمه دی. 

حماس نینگ عسکری بولیمی دن عبارت القسام لوا لری, شنبه کونی اسرائیل گه قره ته "اقصی طوفانی" ناملی کینگ کولملی بیر هجوم باشلتگن لیگینی بیلدیرگن ایدی.  غزه دن اسرائیل گه قره ته مینگلب راکت آتیلرایکن, قوراللی کیشی لر منطقه ده گی مسکونی نقطه لر گه کیرگن ایدی. 

اسرائیل اردوسی هم اوروش اوچاق لری دن فایده له نیب غزه نواری گه قره ته تیمیر قلیچ لر عملیاتی نی باشلتگن لیگینی بیلدیرگن ایدی. 

اوشبو حادثه لر عاقبتیده ایکله تاماندن یوزلب کیشی حیاتینی یوقاتدی.