سوریه ده حربی عملیات اویوشتیریلدی

تورکیه قوراللی کوچلری تامانیدن سوریه نینگ شمالیده 12 ته تروریست جنگری تاثیرسیز وضعیت گه کیلتیریلدی.  

تورکیه جمهوریتی ملی مدافعه وزیرلیگی تامانیدن بیریلگن بیاناتده سوریه نینگ شمالیده فرات قلقانی و زیتون ایله سی منطقه لریده هجوم اویوشتیریش تیارگرلیگی کورگن تروریست گروپ نینگ انیقلنگن لیگی بیلدیریلدی.

خوددی شو حربی عملیات بیلن ترور تشکیلاتی پی کاکا/وای پی جی منسوبی 12 ته تروریست جنگری نینگ تاثیرسیز وضعیت گه کیلتیریلگن لیگی قید ایتیلدی.

تورکیه ملی استخبارات تشکیلاتی (میت) هم ترور تشکیلاتی PKK/KCK-YBŞ نینگ اوزیچه سینجار مسؤلی خالد رشو قاسم نی عراق نینگ سینجارده آلیب بارگن حربی عملیات آرقه لی تاثیرسیز وضعیت گه کیلتیرگن لیگی معلوم قیلیندی.

تورکیه جمهوریتی ایچکی ایشلر وزیری علی ییرلی قایا ایسه اجتماعی ترماق آرقه لی بیرگن بیاناتده عراق ده تروچیلیک فعالیتلری گه قول اورگن «روسیدا» کود آتیده گی هلین اوزگورن بیلن «هوگیر ارمانچ» کود آتیده گی اوزر ییلدیریم نینگ خوفسیزلیک کوچلریگه کیلیب تسلیم بولگن لیگینی بیلدیردی.