تورکیه – اسرائیل انرژی و طبیعی منبعلر وزیری اوزارا سوزلشوو اوتکزدی

تورکیه جمهوریتی انرژی و طبیعی منبعلر وزیری آلپ آرسلان بیراقدار اسرائیل انرژی وزیری اسرائیل کتز بیلن تیلفون آرقه لی سوزلشدی. بیراقدار اجتماعی ترماق X آرقه لی بیرگن بیاناتده اسرائیل انرژی وزیری اسرائیل کتز بیلن تیلفون آرقه لی سوزلشگن لیگینی بیلدیردی. سوزلشووده طبیعی گاز قاله ویرسه انرژی ساحه سیده گی اوزارا و منطقوی همکارلیک امکانیتلرینی بهالندیرگن لیکلرینی معلوم قیلدی.

بیراقدار "حرمتلی کتز قیلگن دعوت دایره سیده قیسقه مدت ایچیده اسرائیل گه سفرنی ریجه له یمیز" دیب ایتدی.

اسرائیل انرژی وزیری کتز هم اجتماعی ترماق X آرقه لی بیرگن بیاناتده شولرنی ایتدی:

" تورکیه جمهوریتی انرژی و طبیعی منبعلر وزیری آلپ آرسلان بیراقدار بیلن صمیمی سوزلشوو اوتکزدیک. انرژی همکارلیگیمیزنی قیته تیکلش امکانیتلرینی تارتیشدیک. باش وزی نتنیاهو، جمهور باشلیغی ایردوغان بیلن اوچره شیش مقصدیده (تورکیه گه) سفر ریجه له ماقده. منطقوی همکارلیک جهتیدن امید بیرووچی بیر باسقیچ دیر. بیزنی تعقیب ایتینگ." دیدی.