اسرائیل عسکرلری کوپلب فلسطینلیک نی یره له دی

اسرائیل عسکر لری اشغال آستیده گی غربی نوار گه باسیب کیریب 7 نفر فلسطینلیک نی یره له دی و 12 کیشی نی ایسه قولگه آلدی. 

محلی منبع لر, اسرائیل عسکر لری نینگ اریحا و جنین شهر لری داخل غربی نوار نینگ فرقلی منطقه لری گه باسیب کیرگن لیگینی بیلدیردی. 

اسرائیل عسکر لری اریحا شهری ده گی عقبه جبر مهاجر لر کمپی گه باسیب کیررایکن, کوپلب اوی نی تیکشیریب چیقدی. 

منطقه یشاوچی لری بیلن اسرائیل عسکر لری اورته سیده جنجال پیدا بولدی. 

اسرائیل عسکر لری فلسطین لیک لر گه قره ته اوق اوزدی و کوز یاشی آقیزوچی گاز دن فایده لندی.

فلسطین قیزیل یریم آی جمعیتی عقبه جبرده اوق تیگیب یره لنگن 6 نفر فلسطینلیک نینگ اریحا دولت کسلخانه سی گه انتقال ایتدیریلگن لیگینی بیلدیردی. 

اسرائیل عسکر لری نینگ جنین ده گی کفر دان قیشلاغی گه باسیب کیریشی جریانیده هم بیر نفر فلسطین لیک اوق تیگیب یره لندی. 

اسرائیل کوچلری نینگ باسیب کیریاتگن پیتده بیر نفر فلسطین لیک نینگ موتری نینگ هم پارتله تیلگن لیگی بیلدیریلدی. 

فلسطین اسیرلر جمعیتی تامانیدن بیریلگن یازمه بیاناتده ایسه اسرائیل عسکر لری نینگ باسیب کیریشی جریانیده کفر دان قیشلاغیده 4, رام الله ده 6 و قلقیلیه ده 2 کیشی نی قولگه آلگن لیگی معلوم قیلیندی.