عراق نینگ شمالیده حربی عملیات اویوشتیریلدی

عراق نینگ شمالیده بولووچی ترور تشکیلاتی پی کاکا منسوبی 4 ته تروریست جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده عراق نینگ شمالیده جایلشگن پنجه – قاپلان و زپ منطقه لریده بولووچی ترور تشکیلاتی پی کاکا منسوبی 4 ته تروریست جنگری نینگ تاثیرسیز وضعیت گه کیلتیریلگن لیگی بیلدیریلدی.

وزیرلیک نینگ تویتر ادرسی آرقه لی بیریلگن بیاناتده شولرگه اورین بیریلدی:

"پی کاکا منسوبی تروریستلرنی هم هوادن همده ییردن اوریش گه دوام ایتماقده میز. عراق نینگ شمالیده جایلشگن پنجه – قاپلان و زپ منطقه لریده بولووچی ترور تشکیلاتی پی کاکا منسوبی 4 ته تروریست جنگری هوا عملیاتی آرقه لی تاثیرسیز وضعیت گه کیلتیریلدی" دییلدی.

شونده ی بولیب تورکیه جمهوریتی ایچکی ایشلر وزیری سلیمان سویلو بولووچی ترور تشکیلاتی نینگ یورت ایچیده قوراللی جنگری سانی نینگ بوتونله ی 181 ته گه توشگن لیگینی بیلدیردی.