مسجدالاقصی نینگ ملا امامی شیخ عکرمه صبری اسرائیل تامانیدن حبسگه آلیندی

فلسطین لیک لرنی حرم شریف گه باریش گه چقیرگن مسجدالاقصی نینگ امامی و خطیبی شیخ عکرمه صبری, اسرائیل پولیسی تامانیدن حبسگه آلیندی. 

شیخ صبری نینگ عایله اعضا لری دن بیری, اسرائیل کوچ لری نینگ صبری نینگ اشغال آستیده گی شرقی بیت المقدس ده گی اویی گه باسیب کیرگن لیگی نی بیلدیردی. 

اوشبو منبع, اسرائیل پولیسی نینگ هیچ قنده ی بیر سبب بیلدیرمسدن شیخ صبری نی غربی بیت المقدس ده گی بیر نظارت مرکزی گه آلیب کیتگن لیگی نی معلوم قیلدی. 

شیخ صبری, توناون فلسطین لیک لرنی حرم شریف گه باریش گه چقیرگن ایدی.

سابق بیت المقدس- فلسطین مفتی سی و حاضرگی کونده ایسه بیت المقدس یوکسک اسلام هیئتی نینگ باشلیغی بولگن شیخ صبری آلدین هم بیر نیچه مراتبه اسرائیل پولیسی تامانیدن قولگه آلینگن ایدی. 

اسرائیل مقام لری ایریم پیتلرده شیخ صبری نی مسجدالاقصی گه یقینلشمس لیک بیلن هم جزالنتیرماقده.