اسرائیل کوچ لری بیرته گینه جنوری آیی نینگ اوزی ده 456 نفر فلسطین لیک نی قولگه آلگن

اسرائیل کوچ لری بیرته گینه جنوری آیی نینگ اوزیده اشغال آستیده گی غربی نوار بیلن شرقی بیت المقدس ده اویوشتیرگن عملیات لری ده 456 نفر فلسطین لیک نی قولگه آلدی. 

فلسطین قوتیلیش تشکیلاتی گه باغلیق اسیرلر هیئتی بیلن فلسطین نادولت تشکیلات لری تامانیدن تیارلنگن راپورده, اسرائیل کوچ لری نینگ سیستماتیک قولگه آلیش عملیات لری نینگ اشغال آستیده گی فلسطین جمعیتی نینگ برچه تامان لری نی قمره ب باشله گن لیگی معلوم قیلیندی. 

راپورده, 2021- ییل نینگ بیرینچی آیی ده 456 نفر فلسطین لیک نینگ اسرائیل کوچ لری تامانیدن قولگه آلینگن لیگی بیلدیریلدی.  خوددی شوو قولگه آلینگن فلسطین لیک لرنینگ 8 نفری نینگ عیال و 93 کیشی سی نینگ ایسه 18 یاشدن کیچیک ایکن لیک لری گه دقت قره تیلدی. 

عینی دمده مذکور راپورده, اسرائیل محکمه لری نینگ 30 نفری ینگی بولگن 105 فلسطین لیک توغریسیده اداری قماققه قرار قیلگن لیگی بیلدیریلدی. 

حاضرگی کونده 4 مینگ 400 نفر فلسطین لیک محکوم نینگ اسرائیل قماقخانه لریده موجود ایکن لیگی بیلدیریلماقده.  خوددی شوو کیشی لردن 140 نفری نینگ باله لر و 37 کیشی سی نینگ ایسه عیال لر دن عبارت ایکن لیک لری معلوم قیلینماقده.