لاوروف اولکه سی نینگ تورکیه و ایران بیلن سوریه توغریسیده گی همکارلیگی نینگ دوام ایتگن لیگینی ایتدی

روسیه تشقی ایشلر وزیری سرگی لاوروف اولکه سی نینگ تورکیه و ایران بیلن سوریه توغریسیده گی همکارلیگی نینگ هیچ بیر تجاری مناسبت گه تیانمه گن لیگینی ایتدی.

روسیه باش وزیر اورینباسری یوری بوریسوف بیلن سوریه گه سفر قیلیب بارگن لاوروف بشارالاسد و تیزیمی نینگ تشقی ایشلر وزیری ولید معلم بیلن اوچره شدی.

لاوروف اولکه سی نینگ تورکیه و ایران بیلن سوریه مسئله سیگه تماس قیلدی.

"بو همکارلیک سوریه اداره سی نینگ یاردمی بیلن اوچ اولکه دولت باشلیغلری قول قویگن کیلیشوولرگه تیانماقده دیر. بو کیلیشوولرنینگ هیچ بیر تجاری کیلیشوو بیلن علاقه سی یوق" دیدی.

تورکیه بیلن ادلب بحراننی کمه یتیریش منطقه سی توغریسیده هم کیلیشوولرگه قول قوییلگن لیگی گه دقت قره تگن لاوروف " بو کیلیشوولر وظیفه مسؤلیتلرینی، عقللی مخالفت بیلن تروریست لرنینگ بیر بیریدن اجره تیلیشینی، M4 قتناو یولی تیگره گیده خوفسیز گذرگاه نینگ ایجاد ایتیلیشینی اوز ایچی گه آلماقده دیر. بولر استه – سیکین لیکین استقرارلی بیر شکلده عملی بولماقده دیر. بونی اداغگه ییتکیزیش اوچون سببلر بار" دیب گپیردی.

لاوروف" ادلب بحراننی کمه یتیریش منطقه سیده سوریه اداره سی کنترول آستیگه آلگن توپراقلر، روسیه و تورکیه اورته سیده کیلیشوولرگه قوی قوییلگندن بیری مهم درجه ده کوپه یدی" دیب بهالندیردی.