سوریه ده امریکا بیلن روسیه نینگ ایککی حربی واسطه سی نینگ توقنه شیب کیتگن لیگی بیلدیریلدی

سوریه ده روس قطاریده گی بیر واسطه بیلن امریکانینگ بیر حربی واسطه سی نینگ توقنه شیب کیتیشی عاقبتیده کمیده 4 نفر امریکالیک عسکرنینگ یره لنگن لیگی ادعا ایتیلدی.

امریکا میدیا ترماغی CNN تامانیدن امریکالیک مقاملرگه تیانتیریب بیرگن خبریده معلوم قیلیشیچه، آلدینگی کونی سوریه نینگ شرقیده روس قطاریدن بیر واسطه نینگ "قصداً" امریکانینگ اردوسیگه باغلیق بیر واسطه گه باریب توقنه شیشی عاقبتیده کمیده 4 نفر امریکالیک عسکر یره لنگن.

مقاملر، حادثه یوز بیرگن ساحه ده روس عسکری تیک اوچرلرنینگ سرعتلی و قوییدن اوچگن لیگینی بونینگ عموماً ساحه ده گی عسکرلرنی قاچیریش اوچون ایش آلینگن بیر تخنیک ایکن لیگینی افاده ایتدی.

خبرده ایلک آندن بیری امریکا اردوسی نینگ بوندن خبری بولگن لیگی بیراق مدافعه وزیرلیگی (پینتاگون) نینگ حلی گچه رسمی بیر بیانات بیرمه گن لیگی گه اشاره قیلیندی.

شونده ی بولیب امریکا قوشمه ایالتلری ملی خوفسیزلیک کینگشی سوزچیسی جان اوللیوت، سوریه ده چهارشنبه کونی امریکانینگ بیر حربی واسطه سی بیلن روس حربی واسطه سی نینگ توقنه شیب کیتگن لیگینی تایید ایتدی. اوللیوت بیرگن بیاناتده، 4 نفر امریکالیک عسکر یره لنگن بو حادثه ده "روسلرنینگ خطالی" ایکن لیگی و اوز حربیلری نینگ بحران نینگ کوپه یمس لیگی اوچون کیینگه قیتیب کیلگن لیگی ادعا ایتیلدی.

یره لنگن عسکرلرنینگ وضعیتی نینگ آغیر ایمس ایکن لیگی معلوم قیلیندی.