عراق تامانیدن بیریلگن بیاناتگه تورکیه جواب قیتردی

تورکیه، چیگره لریگه عراق توپراقلریدن یوز بیرگن تورلی ییقیووچی فعالیت گه قرشی خلق ارا قانون بیرگن مشروع مدافعه حقینی اساس آلیب کیره کلی چاره – تدبیر آلیش گه قرارلی ایکن لیگی بیلدیریلدی.

تورکیه جمهوریتی تشقی ایشلر وزیرلیگی سوزچیسی حامی آقسوی، عراق باش وزیرلیک سوزچیسی و تشقی ایشلر وزیرلیگی سوزچیسی تامانیدن تورکیه نینگ عراق نینگ شمالیده آلیب باراتگن پنجه – قاپلان و پنجه – بورگوت عملیاتلری بیلن تیگیشلی بیاناتی گه جواب قیتردی.

عراق اداره سیدن اوز توپراقلرینی خلق ارا قانون و اولکه نینگ اساسی قانونینی نینگ حکملریگه بناً مسؤلیتلرینی بجا کیلتیریب، توپراقلرینی پی کاکا ترور تشکیلاتی گه استفاده قیلدیرمس لیگینی کوتگن لیکلرینی معلوم قیلگن آقسوی جنابلری شولرنی ایتدی:

"عراق نینگ هم خوفسیزلیگینی تهدید آستیگه آلگن و حاکمیتی گه خلل اوتکزگن پی کاکاگه قرشی مشترک کوره ش اوچون همکارلیک که تیار ایکن لیگیمیزنی ینه بیر مرته ایسله تیب اوته میز. بو توقعلر جایی گه کیلمه گن تقدیرده تورکیه، چیگره لریگه عراق توپراقلریدن یوز بیرگن تورلی ییقیووچی فعالیت گه قرشی خلق ارا قانون بیرگن مشروع مدافعه حقینی اساس آلیب کیره کلی چاره – تدبیر آلیش گه قرارلی دیر".