ترور تشکیلاتی پی کا کا عراق تورکمن جبهه سی نی تهدید ایتدی

عراق تورکمن جبهه سی نینگ باشلیغی ارشاد صالحی, بولووچی ترور تشکیلاتی پی کا کا نینگ, دفتر لری و مرکز لری گه حمله قیلیش بیلن تهدید ایتگن لیگی نی معلوم قیلدی.

صالحی انادولو آژانسی بیلن قیلگن مصاحبه سیده, ترور تشکیلاتی نینگ اوشبو تهدیدی نینگ تورکیه قوراللی کوچ لری نینگ عراق نینگ شمالی ده گی ترورچی لرنینگ هدف لری گه قره تیلگن پنجه- بورگیت عملیاتی آرتیدن مطرح بولگن لیگی نی بیلدیردی. 

تورکمن لرنینگ سیاسی سازمان لری و اداره لری گه قرشی بونده ی تهدید لرنینگ خواطر گه سبب بولیاتگن لیگی نی بیلدیرگن صالحی, اوشبو تهدید نینگ تورکمن لر گه قره تیلگن لیگی نی معلوم قیلدی. 

صالحی, باله لرنینگ قاتلی و مخدره مواد قاچاقچی لری دن عبارت ترورچی لرنینگ عراق ده فعالیت کورسه تیشی گه اجازت بیریلمس لیگی کیره ک ایکن لیگی نی معلوم قیلرایکن, عراق تورکمن جبهه سی نینگ برچه نماینده لیک لری ده گی قوریقچی لر سانی نینگ آرتیریلگن لیگی نی بیلدیردی. 

عراق تورکمن جبهه سی و باشقه تورکمن سیاسی حزب لرنینگ اولکه نینگ رسمی حزب لری دن عبارت ایکن لیگی نی بیلدیرگن صالحی, اوشبو حزب لرنینگ مرکز لری نینگ امنیتی نینگ عراق خوفسیزلیک کوچ لری تامانیدن تامین ایتیلیشی کیره ک ایکن لیگی نی معلوم قیلدی.