امریکا قوشمه ایالت لری سفارتی گه راکت اصابت ایتگن
اوشبو مطلب نی عراق باش وزیری بیلدیردی
عراق پایتختی بغداد ده حکومت بنا لری و سفارت لرنینگ موجود بولگن یاشیل منطقه گه 5 کاتیوشا راکتی آتیلدی.
باش وزیر عادل عبدالمهدی, راکت لرنینگ امریکا قوشمه ایالت لری نینگ بغداد ایلچی لیگی گه اصابت ایتگن لیگی نی بیلدیردی.
عراق باش وزیرلیگی مطبوعات مرکزی تامانیدن بیریلگن و عبدالمهدی نینگ سوز لری گه اورین اجره تیلگن بیاناتده, "خارجی اولکه لرنینگ نماینده لیک لری گه قره تیلگن هجوم لر, امریکا قوشمه ایالتلری سفارتی بنا سی گه توشگن راکت لر بیلن تکرارلندی. قانون گه اویغون بولمه گن اوشبو فعالیت نی قاره لرایکن, حادثه نینگ عامل لری نینگ اوشله نیب محکمه گه تاپشیریلیشی بوییچه خوفسیزلیک کوچ لری میز گه تاپشیریق بیردیک" دییه قید ایتیلدی.
بونده ی هجوم لرنینگ عراق نی اوروش میدانی گه ایلنتیریب قویشی نینگ ممکن ایکن لیگی نی بیلدیرگن عبدالمهدی, عراق ده گی دیپلماتیک نماینده لیک لرنینگ امنیتی نی تامین ایتیش گه مجبور ایکن لیک لری نی بیلدیردی.
عینی دمده عراق مدافعه وزیرلیگی دن بیر کیشی, راکت آتیلیشی آرتیدن امریکا قوشمه ایالتلری هلیکوپتر لری نینگ سفارت گه قونگن لیگی نی معلوم قیلدی.
اوشبو مسئول کیشی, خوددی شوو هلیکوپتر لر بیلن یره لنگن کیشی لرنینگ انتقال ایتتیریلگن بولیشی نینگ ممکن ایکن لیگی نی بیلدیردی.
ینه بیر خوفسیزلیک مسئولی, مذکور راکتی هجوم نینگ سفارت نینگ رستورانتی ده یانغین گه سبب بولگن لیگی نی معلوم قیلدی.
علاقه لی ینگی لیکلر
تورکیه ملی استخبارات تشکیلاتی ایککی نفر تروریست جنگرینی تاثیرسیز وضعیت گه کیلتیردی
اوشبو تروریست جنگریلر عراق نینگ شمالیده تاثیرسیز وضعیت گه کیلتیریلدی
