تورکیه بیلن امریکا قوشمه ایالتلری هیئتلری اورته سیده گی جلسه نینگ آرتیدن بیر اعلامیه ترقه تیلدی

جمهور باشلیغی رجب طیب ایردوغان بیلن امریکا قوشمه ایالتلری دولت باشلیغی اورینباسری مایک پنس نینگ یوزمه یوز و ایککی اولکه هیئت لری آره سیده گی اوچره شوولرنینگ آرتیدن 13 ماده لیک "سوریه نینگ شمال – شرقی بیلن تیگیشلی تورکیه – امریکا قوشمه ایالتلری مشترک اعلامیه سی" ترقه تیلدی.

13 ماده لیک اعلامیه قوییده گیچه:

1. تورکیه بیلن امریکا قوشمه ایالتلری، ایککی یقین ناتو اعضاسی اوله راق اوز ارا مناسبتلرینی تایید ایتماقده دیر.
2. امریکا قوشمه ایالتلری تورکیه نینگ جنوبی چیگره سیده گی مشروع خوفسیزلیک قیغولرینی درک ایتماقده. ایککی اولکه سوریه نینگ شمال – شرقی قاله ویرسه ساحه ده گی حادثه لر بوییچه مشترک منفعتلر اساسیده بیرگه لیکده فعالیت قیلیشلری کیره ک لیگینی قبول ایتماقده.
3. تورکیه بیلن امریکا قوشمه ایالتلری "همه میز بیرته میز، بیرته میز همه میز" اوچون دیگن عباره گه بناً ناتو توپراقلرینی و حقلرینی برچه تهدیدلرگه قرشی قوریقلش تعهدلریگه وفا قیله دی.
4.  ایککی مملکت انسان حیاتی، انسان حقلری بیلن دینی و اتنیکی جمعیتلرنینگ قوریقلنیشی بوییچه تعهدلرینی عملی قیله دی.
5. تورکیه بیلن امریکا قوشمه ایالتلری سوریه نینگ شمال – غربیده داعش گه قرشی کوره شلری نینگ دوامی توغریسیده قاطع دیر. بو آلدیندن داعش نینگ کنترولی آستیده بولگن ساحه لرده گی بدرغه بولگن مسکونی لر بیلن اسیر مرکزلری توغریسیده مناسب شکلده هماهنگ لیک نی اوز ایچی گه آلماقده دیر.
6.  تورکیه بیلن امریکا قوشمه ایالتلری، تروریزم گه قرشی کوره ش عملیاتلری نینگ فقط ترور گروهلری بیلن بو گروهلرگه باغلیغ باش پناه، کلبه، موضع، قورال، واسطه کبی هدفلرنینگ نشان آلینیشی توغریسیده کیلیشماقده.
7. تورکیه قوراللی کوچلری کنترول آستیگه آلگن خوفسیز منطقه لرده گی برچه مسکونی لرنینگ خوفسیزلیگینی تورک تامانی تامین ایتیشنی تعهد ایتماقده دیر. تینچ اهالی و تینچ اهالی نینگ زیابناسی گه زیان ییتمس لیگی اوچون اعظمی دقت قیله جگینی اورغوله ماقده دیر.
8. ایککی اولکه بیرلشگن ملتلر تشکیلاتی باشچیلیگیده گی سیاسی جریانگه صادق قالیب، سوریه نینگ سیاسی بیرلیگی بیلن توپراق بوتونلیگی و سوریه اختلافاتینی بیرلشگن ملتلر تشکیلاتی خوفسیزلیک کینگشی نینگ 2254 سانده گی قراریگه مناسب شکلده اداغگه ییتکیزیشنی آماجله ماقده لر.
9. ایککی اولکه، وای پی جی نینگ سقیله قوراللری نینگ ییغیب الیش و وای پی جی نینگ حربی بنا و مرکزلری نینگ یوق قیلینیشی داخل تورکیه نینگ ملی خوفسیزلیک قیغولری نینگ برطرف بولیشی اوچون بیر خوفسیز منطقه ایجاد ایتیلیشی توغریسیده صادق قاله دی.
10. خوفسیز منطقه اولاً تورک قوراللی کوچلری نینگ کنترولی آستیده بوله دی و ایککی تامان خوفسیز منطقه نینگ هر تامانلمه عملی بولیشی توغریسیده همکارلیکنی کینگه یتیره دی.
11. تورک تامان تینچلیک چشمه سی عملیاتی نی خوفسیز منطقه دن وای پی جی نینگ 120 ساعت ایچیده چیقیشی اوچون توخته تیب قویه دی. تینچ لیک چشمه سی عملیاتی بو چیقیش جریانی نینگ آرتیدن اداغگه ییتکیزیله دی.
12. تینچ لیک چشمه سی عملیاتی توخته تیلگنده امریکا قوشمه ایالتلری 2019 – ییلی 14- آکتوبر تاریخیده گی " Blocking Property and Suspending Entry of Certain Persons Contributing to the Situation in Syria " عنوانلی قرارنامه سی گه بناً عملی قیلینگن چیکلاولرگه قوشیمچه چیکلاو کیلتیرمه یدی. کنگره ده مناسب بیر شکلده فعالیت آلیب باریب، بیرلشگن ملتلر تشکیلاتی خوفسیزلیک کینگشی نینگ 2254 سانلی قراری اساسیده سوریه ده تینچلیک و خوفسیزلیک تامین ایتیلیشی بوییچه آلغه باریلگن لیگی نینگ تاکییدلنیشی گه صادق قاله دی. تینچلیک چشمه سی عملیاتی 11- ماده گه بناً توخته تیلگنده یوقاریدن بحث قیلینگن عنوان قرارنامه سی گه کوره موجود چیکلاولر هم یوق کوتاریله دی".
13. ایککی تامان بو اعلامیه ده ثبت قیلینگن برچه هدفلرنینگ عملی قیلینیشی اوچون بیرگه لیکده فعالیت آلیب باره دیلر.