امریکا قوشمه ایالتلری نینگ سوریه خاص نماینده سی تورکیه ده بیر قطار اوچره شوولر اوتکزدی

تورکیه، امریکا قوشمه ایالتلری بیلن سوریه ده بولووچی ترور تشکیلاتی وای پی جی/پی کاکانینگ اشغالی آستیده گی منبج و فرات دریاسی نینگ شرقی توغریسیده اوچره شوو اوتکزدی.

ملی مدافعه وزیری خلوصی آقر، امریکا قوشمه ایالتلری نینگ سوریه خاص نماینده سی جمیز جفری بیلن اوچره شدی.

ملی مدافعه وزیرلیگیدن بیریلگن بیاناتده، خلوصی آقرنینگ امریکا قوشمه ایالتلری نینگ سوریه خاص نماینده سی جمیز جفری بیلن استانبولده ملاقات قیلگن لیگی بیلدیریلدی.

مذکور بیاناتده،

"منبج و فرات نینگ شرقی قاله ویرسه سوریه ده سونگی پیتلرده یوز بیرگن حادثه لر مطرح بولدی" دیب تذکر بیریلگن.

جمهور رئیس لیک سوزچیسی ابراهیم قلین هم توناون کونی جمیز جفری بیلن اوچره شگن ایدی.

پایتخت انقره ده جمهور رئیس لیک کلیه سیده بولیب اوتگن قلین و جفری اوچره شوویده گی هیئتلر ارا اوچره شووده سوریه توغریسیده گی سونگی ینگی لیکلر مطرح بولگن لیگی قید ایتیلدی.