ایردوغان اسرائیل نینگ قیلگن عملی گه ناراضی لیک کورستدی

تورکیه جمهور باشلیغی رجب طیب ایردوغان، اسرائیل باش وزیری بنیامین نتنیاهونینگ 7 یاشده گی فلسطین لیکلرنی قتل قیلگن بیر ظالم ایکن لیگینی ایتدی.

پایتخت انقره ده گپیرگن ایردوغان جنابلری مسجد اقصی گه هجوم اویوشتیرگن اسرائیل نی قاره له دی.

"اسرائیل نینگ باشیده گی قراقچی" دیب نتنیاهونی قاره له گن ایردوغان، ای نتنیاهو هوش قیل. سین 7 یاشده گی فلسطین لیک باله لرنی قتل قیلگن ظالم سن. سین خاتین – قیزلرنی محکوم قیلگن ظالم سن. بیزنینگ اوجیاده گی معبدیمیزگه پولیسلر عسکرلر کفشلری بیلن کیرماقده لر. بیز بو مملکتده هیچ بیر موسوی گه ظلم قیلمه دیک، هیچ بیر سیناگوگ گه سیز قیلگنلرنی قیلمه دیک. بیزنی تحریک قیلمنگلر. بیز بونگه الدنمه یمیز بیراق بونینگ جوابینی خلق ارا مقیساده سوره یمیز" دیب گپیردی.

مبارک مسجدیمیزگه عملی قیلینگن هجوم گه قرشی توره میز دیب ایتدی ایردوغان.

مسجد اقصی، قبّة الصحرانی کفشلری بیلن کیرله تیشلریگه رضایت کورستمه یمیز، دیدی ایردوغان جنابلری.

"تشقی ایشلر وزیریمگه حکم قیلدیم. خلق ارا اوچره شوولرنی عملگه آشیرماقده. همه جیم اولتیرسه بیز جیم اولتیرمه یمیز" دیب ایتدی.

جمهور باشلیغی ایردوغان، بیت المقدس نینگ اسلام عالمی اوچون بولگن اهمیتی مناسب اداره ایتیلیشی توغریسیده کوره شلرینی سونگی نفسلریگچه دوام ایته جکلرینی بیلدیردی.