ایردوغان و پوتین مشترک مطبوعاتی کنفرانس اویوشتیردی

جمهور باشلیغی رجب طیب ایردوغان، سوریه نینگ ادلب شهریده تورکیه و روسیه نینگ ترور تشکیلاتلریگه قرشی مشترک کوره شی نینگ دوام ایته جگینی ایتدی.

ایردوغان و روسیه دولت باشلیغی ویلادیمیر پوتین، توناون کونی کرملین قصریده یکه مه یکه و هیئتلر ارا اوچره شوولر اوتکزدیلر. اوچره شوونینگ آرتیدن مشترک مطبوعاتی کنفرانس اویوشتیریلدی.

ایردوغان جنابلری، پوتین بیلن اینیقسه سوریه ده گی وضعیتنی قولگه آلگنلیکلرینی معلوم قیلدی.

جهور باشلیغی "هم ادلب کیلیشووی همده سوریه جلسه سی نتیجه لری خصوصیده بحث ایتدیک. ادلب ساحه ده گی وضعیتنی تیکشیریب چیقدیک. امریکا قوشمه ایالتلری نینگ سوریه چیقیش قراری توغریسیده گپیردیک. تورکیه و روسیه همکارلیگی، سوریه نینگ تینچلیک، خوفسیزلیک و بردم لیگی جوده مهم دیر. صمیمی همکارلیک و دیالوگیمیز بیلن انچه یوتوقلر  لر قولگه کیریتدیک. روس دوستلریمیز بیلن ارتباطده بولیش گه قاطع میز. امریکا قوشمه ایالتلری نینگ سوریه دن چیقیش جریانیده ترور تشکیلاتلری نینگ منف6عتی گه اویغون بیر خلانینگ پیدا بولمس لیگی جوده مهم دیر. بو توغریده گی فکریمنی حرمتلی دوستم گه ایتیب بیردیم. تورکیه اوله راق یگانه مقصدیمیزنینگ داعش قاله ویرسه پی وای دی/وای پی جی کبی ترور تشکیلاتلرینی تمیزلش ایکنینی افاده ایتدیم.

بولرنی کیم نینگ حمایه قیلگنینی، کیم نینگ تشویق ایتگنینی یخشی بیله میز. اینیقسه تورک روس همکارلیگینی بوزماقچی بولگن ترور تشکیلاتلریگه قرشی مشترک کوره ش نی افاده ایتماقچی من" دیب بیان ایتدی.

ایردوغان جنابلری، ادلب و سوریه اساسی قانون کمیته سیده گی سونگی وضعیت بیلن تیگیشلی سوالگه شو شکلده جواب بیردی.

حرمتلی دوستم هم ادلب همده اساسی قانون کمیته سی بیلن تیگیشلی انیق شکلده جواب بیردی. ادلبده ترور تشکیلاتلریگه قرشی کوره شیمیز عین شکلده دوام ایته دی. ترور تشکیلاتلریگه قرشی کوره ش، بیر قیسقه مدتلیک ایمس. بو کوره شنی دوام ایتتیره میز. چونکه مقصدیمیز سوریه خلقی نینگ تینچ لیگی دیر. بو همکارلیکنی تایید ایتدیک. اساسی قانون موضوعسی؛ بو موضوعنی هم گپیردیک و تشقی ایشلر وزیرلریمیزگه بو موضوع بیلن تیگیشلی دیپلوماتیک جریاننی، استانبول جلسه سیده آلگن قرارلرنی دوام ایتتیریشلرینی ایتدیک.

مذکور اوچره شووده، سوریه لیک قاچقین لرنینگ قیتیب باریشلری توغریسیده فکر بیلدیرگن ایردوغان،

"4 میلیون اطرافیده مهاجرگه جای بیرگن مملکت اوله راق بو موضوع بیلن قیزیقماقده میز. هم فرات قالقانی همده زیتون یاله سی عملیاتی آرقه لی تروریزمدن تمیزلنگن ساحه لرگه بوگونگچه 300 مینگ سوریه لیک قیتیب باردی. عفریندن الجرابلس گچه بولگن 4 مینگ کیلومترلیک ساحه ده سوریه لیک ایناغه لریمیز تروریزمدن عراق تینچ یشه ماقده لر. بو قیتیب باریش حادثه سینی فرات نینگ شرقی گه هم عملی قیلیش کیره ک" دیب گپیردی. بو همکارلیکنی آستانه ده گی اوچره شوولر بوییچه دوام ایته جکلرینی اورغوله گن جمهور باشلیغی ایردوغان کیلگوسی آی،  حرمتلی روحانی نینگ اشتراکی بیلن بولیب اوته دیگن جلسه نی روسیه ده اوتکزه میز. کیین ایسه یوکسک سویه لی ستراتیژیک جلسه اویوشتیره میز، دیب ایتدی.

ایردوغان بیر ژورنالیست نینگ "خوفسیز منطقه توغریسیده امریکا قوشمه ایالتلری بیلن آلیب باریله یاتگن اوچره شوولرده عملاً بیر نتیجه بار می؟ بو موضوع ملاقاتینگیزده مطرح بولدی می؟ معلومات بیریشینگیز ممکن می؟ دیب قیلگن سوالی گه؛

"خوفسیز منطقه توغریسیده رهبرلر قاله ویرسه تیگیشلی وزیرلریمیز اوچره شوولریگه دوام ایتماقده لر. البته بیزگه خطر تشکیل ایتگن منطقه لرنینگ حساسیتلری انچه مهم دیر. بیزنینگ جهتیمیزدن، خطر تشکیل ایته دیگن منطقه لرده چاره – تدبیر آلیش توغریسیده امریکا قوشمه ایالتلری هم مثبت فکر بیلدیرگنینی افاده ایتدی. او هم 32-30 کیلومترلیک بیر منطقه دن عبارت ایدی. بو موضوع بیلن تیگیشلی اوله راق روسیه بیلن هم قیین چیلیگیمیز یوق. خوفسیز منطقه تروریزمدن تمیزلنگن منطقه دیمک دیر. بوندن کیین هم تشقی ایشلر، مدافعه وزیرلری، استخبارات مسؤل لریمیز تیز – تیز کوریشیب بو ساحه لر توغریسیده گی حساسیتیمیزنی کورستیب بیره دیلر.

ایردوغان عین دمده تورکیه بیلن روسیه اورته سیده اقتصادی، تجارت، صنایع، انرژی و مدنیت ساحه لریده جوده یخشی همکارلیک ایچیده ایکنلیکلرینی قید ایتیب، سونگی پیتلرده توریزم نینگ بونینگ ایلگریسیده ایکنینی افاده ایتدی.