تورکیه عراقده اویوشتیریلگن ترورچیلیک حادثه سینی قتتیق قاره له دی

تورکیه, عراق نینگ موصل ولایتی تل عفر تومنیده اویوشتیریلگن ترورچیلیک هجوم نی قاره له دی. 

تورکیه جمهوریتی تشقی ایش لر وزیرلیگی تامانیدن بیریلگن یازمه بیاناتده, " موصل ولایتی تل عفر تومنیده اویوشتیریلگن ترورچیلیک هجومی عاقبتیده ایریم کیشی لرنینگ جان بیرگن لیگی و یره لنگن لیگی سببلی جوده خفه بولدیک" دییه قید ایتیلدی. 

مذکور بیاناتده, "اوشبو ترورچیلیک هجومی نی قاره لرایکن, حاثه عاقبتیده جان بیرگن تل عفرلیک تورکمن قرینداشلریمیز گه الله تعلی دن رحمت تیلب, عراق حکومتی و قرینداش عراق خلقی گه تسلیت بیلدیره میز.  یره لنگن کیشی لر گه ایسه تنگری تعالی دن عاجل شفا لر تیلب قاله میز" دیب قید ایتیلدی. 

تورکیه عراق نینگ ترورچیلیک که قرشی کوره شی و مملکتده تینچ لیک و بردملیک اورنه تیلیشی بوییچه فعالیتلرینی حمایه قیلیش گه دوام ایته دی دیب افاده ایتیلدی.

کوپراق تورکمنلر یشه گن تل عفرده منفجره مواد اورنه تیلگن موتر آرقه لی اویوشتیریلگن هجومده، 2 کیشی اولیب 13 کیشی یره لنگن ایدی.